James Bawi Thang Bik||Malaysia Cozah nih UNHCR nih a ngeih mi ralzam data pawl hal dih an I tim than cang. Mah kong ah hin UNHCR ah Rechard Towle a rak tuan lio zong ah cozah le UNHCR kar lak an rak i rem lo nak a ruang a rak si. a tu hi cozah nih mah data a dih lak cu pek dih ding ah kan hal than hna lai an ti than tik ah an kar lak buainak a chuak kho than.

A ruang cu UNHCR cu “Data Protection policy” a hmang mi a si. Mah policy hi kum 1970 le 1980 ah “Nation law” le “regional agreement” zong ah chuah a rak si i ram 120 hlei nih an rak hmang cang mi policy a si. Mah ralzam data hi cozah sin ah pek sisehlaw zei bantuk dah a pek lai ti a si cun “Agreement on the sharing personal data of Refugees and Asylum Seekers” i Article 3A ning in si ah cun:

1. min 2. Malaysia phan ni 3. A Ram min 4. Chuahnak ram 5. Chuah ni 6. Nu/Pa 7. Hmanthlak 8. Refugees / Asylum Seeker 9. Tu lio a umnak address

Ti hna hi pek ding a si lai. Na tein a hlan ah zei ruang ah dah UNHCR nih a rak pek duh lo ti ah cun ralzam hna kong lam hna kha ning cang lo in a hman sual lai ti le an caah him nak a um ti sual lai lo ti ruang ah “1990 United Nations General Assembly’s Guidelines for the Regulation of Computerized Personal Data” kha zul in an rak pek duh lo mi a si.

Na tein Malaysia cozah zong an ram ah um ramdang mi hna an konglam (data) dih lak cu an ram himnak caah theih an duh ve tik ah a tu bantuk in an hal peng mi a si. Kan hngak ding mi cu a tu lio Malaysia UNHCR lutlai a si mi Mr. Thomas nih tah an mah UNHCR Data Protection Policy kha zulh lo in an hal ning te in a pek taktak hna lai ma ti cu ruah ngai a hau i an pek lo ah tah zei bantuk buainak dah cozah le UNHCR karlak ah a chuak lai ti mi hi cu thei khawh a si lo.

Note: Hihi a herh ngaimi le biapi taktakmi a si caah Malaysia ummi nih hruaitu a upa hna sinah thil sining fiangfai deuh in hal khawh izuam ah a tha. Alliance of Chin Refugees i Coordinator a simi James Bawi Thawng Bik nih a tialmi mipi hmuh khawh dingin kan rak tarchinmi a si.