Khah! hi kong hi nan zum cio maw? Cun a tanglei ah cattialtu min zong fiang tein kan langhter chih: “Pennsylvania state legislature (3) nih hi tluk a rawkmi thimnak result cu ka fehter kho lo tiah min an thuh cang lai. CNN, ABC tbk i cherhchan in Lai media cheukhat nih Trump legal team cu Pennsylvania biaceihnak zung ah a voithum te in an sung tiah an timi hi lih a si.”

Pennsylvania state phungtlaitu (legislature) pathum nih cun hi tluk a rawkmi thimnak result cu ka fehter kho ti lo tiah min an thuh cang lai. Article II, section 1.2 cherchan in biakhiahnak an tuah cang lai. Hihi Trump ca ah teinak a dot khatnak a si lai. Pennsylvania ah hitihin hmai an nawr cang caah Georgia, Wisconsin, Nevada, Michigan, Arizona tbk zong ah hitihin a kal cang lai tiah an zumh cang.

Pathian nih Trump cu teinak a pek chin thluahmah cang ko hi! Rev. Biak Lian Vel Pennsylvania ah mee an firmi an hmuh chap than. (Trump ca ah Diamond Lungvar) Pennsylvania biaceihnak zung ah a voi hnih te in Trump lei cu an sung ko nain a voithumnak tu ah cun state legislature (3) nih hi thimnak result hi kan fehter lai lo an ti cang.

Cu nizan nai taktak zong ah thil diklomi an hmuh chap thanmi a um. Hihi Trump ca ah cun diamond lungvar bak a si ko. Mee rel ni November (3) zan sml. 11:08 ah Trump nih a hmuhmi mee (17877) cu an hlohpiak i cu caan bak ah Biden lei ah mee (127930) bak an chapiak ti an hmuhchuah than cang.

Pennsylvania lawng ah chiatserh biakam in mee firnak kong a chimtu minung (100) leng an um ko nain an bia cu state Democrat biaceihtu hna nih voihnih tiang an rak hnolpiak hna. Hihi a um bal lomi a si. Sihmanhsehlaw atu cu mee firnak a hmutu hna nih chiatserh in an chimmi bia cu an ngaihpiak cang hna.

Pennsylvania biaceihnak cu hi vial hin a dong cang ti khawh a si rih lo. US ram ah a sang bik Supreme Court biaceihnak a um rih. Supreme Court i biaceihtu Alito nih cun a hlanpi in Pennsylvania ah election day hnu a phanmi mee vialte cu a dang te ah a rak chiahter cang hna. Cu nih cun a hnu ah check an timh ti cu a langhter ko. Trump ca ah teinak cu a ra cuahmah ko! Credit: Rev. Biak Lian Vel &LKK