Upated: Tuni April ni 4-16-2020 zaanlei sumilam 6:17 hrawgah Laitlang ah lii fakfakin ahnin tiah kan theih. Hakha, Falam, Yangon tiang a hnin dih tiah kan theih. Tutan i kawlram i a lii hninh a khun tiah an chim. Lii ahninh hi 5.9 hrawng a si tiah theih a si. Innlo cu a rawk hraw lo nain um keng tibantuk le dawr thilri tibantuk tampi a rawkmi hmuh khawh a si. Video timi rak hmehpiak law video zoh khawh a si lai. 

Cun thawngpang a hung lengmi cu zeidah a si ti ah cun tuzaan lii a hnin ṭhan lai timi thawngpang a hung leng. Cu thawngpang cu ahmaan lomi thawngpang a si. Nikhua tahnak zung leiin cu bantuk thawngpang he pehtlaiin zeihmanh an thanhmi a um lo. Cun atanglei ah “The Hakha Post” nih cu konghe pehtlaiin aṭialmi rel khawh a si.

Chin Ramkulh Nikhua Tahnak Zung in ralrin peknak le fianternak. “April 16 zaan suimilaam 10:00 ah li aa hnin than lai, ti mi hi zumh ding a si lo. Zeicahtiah, lihninh ding nicaan le suimilaam cu ahohmanh nih chimchung khawh a si lo. Amah belte, kan pawngkam ah lihnin (earthquake) fa tete a thazaang a der mi tete cu a um ko. Asinain, cutik ah, zeitik ah aa hnin lai, ti cu chim khawh phung a si lo,” tiah Chin Ramkulh Nikhua Tahnak Zung lutlai Pu Khup Khan Cin nih The Hakha Post ah a chim.

“Amah belte, zaanlei suimilaam 6:15 ah aa hnin mi kha a thazaang (magnitude) hi 6.1 bak a si i Chinram ah hi nak fak lihninh a um bal rih lo. Ralrin cu a tha ko. Asinain, tih tuk ding a si lo i, cutik khatik ah aa hnin than lai, ti mi cu zum hlah u,” tiah Pu Khup Khan Cin nih a chimchap. Credit: The Hakha Post

Thawngpang dang rel chih: 16.4.2020 ni Thantlang Covid-19 runvennak committee biachahnak thantlang Mipi mehhang izalhnak hmun Market siseh innlak mehhang dawr siseh thilpuan dawr le adangdang dawr hna siseh (sidawr le sekhan tello) zinglei nazi 6:00 in zanlei nazi 12:00 karlak lawng on asi cang lai. Hi rikhiah mi caan lawnglawng ah thil nan cawk cang lai. Zanlei nazi 12:00 hnu poahpoah Market le adang dawr poahpoah khar asi cang lai tiah mipi thawng kan thanh hna. Update thawng cu aherh ning in thawngthanh khawh kan zuam lai. Credit: Van Zauk Fambawl