Coronavirus zeitindah kan i ven lai? Nihin tiang ah kan umnak India ram chung ah hi zawtnak in a zawmi mining 28 an um manh cang! Atu tiang ahcun virus thahnak sii an ser khawh rih lo caah pumpak i ralrinnak lawng in i ven khawh a si. Cucaah a tanglei tuah ding kan ttialmi tete tuah nak in kanmah le kan chungkhar a si khawh chung in i veng cio hna u sih.

1. Suimilam pahnih dan ah voikhat tal, chakpiat in kut i ttawl pen ding. 2. Kut i tawl lo karlak ah kut-thianhnak “Santitizer” in kut i thianh peng ding. 3. Mipi lak chuah poh ah Kaa-khuh “Mask” i khuh ding. 4. Mizaw le midam lo tongh tham i ralrin ding. 5. A si khawh chung in mi tampi umnak hmun ah kal lo ding. A herh tuk i chawh vah a herh caan ah Bus le Metro ti bantuk cit hrial i recshow/Taxi bantuk in kal deuh ding. Note: Hand Sanitizer hi chungkhar kip nih cawk i kan inn cio ah i chiah khawh cio ah a herh. Saya Hram Bik Lian

Relchih. MI ZEIBANTUK DAH MITLAU, KAL SUAL CU NAN SI? 1. Cain bantukin Pathian Amah duhning i bia lo in, mah duh ning le mah siarem ning poh in Pathian a biami Hi mi tlau an si. Patian nih a kan fialmi tampi a um. A kan fial lomi tuah len a herh loh. 2. Pathian aw ka theih ti a hmangmi hi mi rureu an si. Pathian aw na theih asi ahcun, Pathian he bia nan i ruah asi hnga i profet na si hnga. Prophet chan asi ti loh. Pathian bia na theih ahcun cu na theihmi cu Baibal ah ttial chap khawh zong asi hnga. Pathian nihcun Baibal in a kan chawnh, a kan cawnpiak. Cucaah Khrihfabu a ngan a dam nakhnga nangmah nih Pathian aw na theih chap a herh nak a um lo. Baibal cu nangmah caah asi i baibal hmangin Pathian nih bia an ruahmi hmanh na zumh duh lo ahcun special cun in an chawnh zongah na ngai duh hlei lai lo.

Paul he i tahchunh lai cuh. Paul chan lio ah Baibal ttial a dih rih loh. Pathian ai phuan lio asi rih i ai phuannak kong an ttial lio a si. Baibal chjap khawh asi ti lo ti cu Pathian nih minung hna sinah ai phuang ti lo tinak asi. I phuang rih selaw Baibal hi kan tial cuahmah rih hnga. 3. Pathian nih aw bakin a ka auh ti a hmangmi hi mi tlau an si. Baibal ah Pathian nih special in a auhmi hna an rak um. Pathian nih an min fang bakin a auh hna. Pathian nih special in a auhmi hna cu special in a hman ve hna. Pathian nih special in aw bakin a ka auh na ti ttung i special i an hman hlei ttung lo ahcun na lih asi. 4. Profet ka si a timi i pial sual an si. Heb. 1: 1 Hlan ahcun Pathian nih profet hmangin bia a rak chim. Asinain atu kan chan ahcun a fapa in bia a chim cang a ti. Paul chan lio ah khan a Fapa in bia a rak chim. Atu ahcun Baibal hmangin bia a chim. Baibal in an cawnpiak (2 Tim 3: 16). Baibal bia kai zatawk lo na ti ahcun mi tlau na si.

5. Pathian aw kan theih khawh nak caah ni 20 ni 30 rawl kan ulh a hau a timi hi mi tlau an si. Pathian nih minung hi auh caan a ngei. Pathian ai phuan lio (Bible an ttial lio) ahcun Pathian nih minung a rak auh hna. Baibal ttial dih asi hnu cun (Pathian ai phuan ti lo hnu cun) Pathian nih an auh nakhnga ni 20 or 40 rawl na ulh a herh lo. Pathian nih a rak auh duhmi hna cu rawl an ulh lo zongah a auh ko hna. Jonah, Peter zong rawl an ul lo nain a auh ko hna.

6. Thiang Thlarau rianttuannak asi lo i mah nih tuahmi kha Thiang Thklarau a puhmi hi cawnpiaknak hmanlo a zulmi an si. Mi nih kan tuah lomi thil khi, thil ttha asi ko zongah, na tuahmi asi an kan ti ahcun kan i lawm lo. Zeicatiah kanmah tuah lomi pi na tuah van ti cu kan duh lo. Thiang Thlarau nih a rianttuannak kong cu Baibal ah tlingtein ai ttial dih ko i a tuah lo i nangmah i na tuahmi mi nih ka uar hna seh ti i Thiang Thlarau na puhmi cu mitlau bak na si. 7. Member mithmai zoh ruangah biatak a dirpi nagm lomi i Judah Isakeriat unau an si. Jesuh nih ahohmanh minung hmai i a ka zahpi mi cu ka Pa hmai ah ka zahpi ve hna lai a ti. Pathian rian na ttuan ahcun na member mihmai kha zoh hlah. Pathian mihmai kha zoh law, a dikmi kha chim. Credit: Dr. Aung Myint Thang