Khah! Laitlang Ummi Ralrin Taktak Nan Hau Cang

Chin News

Khah! Atu kan dirhmun ahcun Laitlang um mi an i ralrin ngaingai a herh ko. Ralkap nih uknak an lakmi cungah kawlram simi paoh nih cu kan thinlung a faakin kan lung a buai cio. Cu tikah mah le umnak hmun cio in ralkap cungah duhlonak langhter cio a si. Hi kongah ralkap lei nawlngeitu nih nawl tiang an chuah phah.

No photo description available.

Cucaah hohmanh nih hi vialte kanram tthatnak lei a kal cang hnu in ruah lo tukin ralkap nih uknak an lak tthanmi cungah kan lung a tling cio hrim lo. Kanmah le si khawh tawk cio in ralkap uknak duhlonak langhter cio a si tikah atu ahcun ralkap nih sandapiahmi le duhlonak a langhtermi hna cungah rian ngeitu nawl an pek cang hna. Cucaah a tanglei langhtermi bangin Laitlang um mi nih duhlonak langhter tikah ralring ngai a hau cang.

No photo description available.

“Cunglei in Palek pawl cu duhlonak a langhtermi pawl tlaihkhih le kahnak nawl tiang pek an si cang caah tuzan umkheng kan tum tikah hohmanh leng ah chuah le lam ah i chawh lo tein kan innchung in thlalang awng le innka hun bu tuin tum hna usih.

Tlaihkhih a tongmi nan um sual ahcun 09440516245 zongah pehtlaih khawh a si. A herhnak zawn paoh ah hmunkhat te zapi kan dir a herh bik lio caan a si! Tuzan 8:15-8:30 kar mei hmih in Pathian sinah kan ram daihnak ca thlacam zong philh hna hlah usi!” By Salai Ngun San Aung

Relchih: Ramleng um nih kawlram,Lairam lei ummi hna hi duhlonak langhter, sandahpiah fial meimei ding an silo.Thlachiat ruat lo ralkap caah meithal zanghmeh a har lo tikah Chin mipi tampi anmah kawl le kawl power cuh ruangah Laimi tampi thih ding asi kho lo. Daw Suh nih kawl ralkap tlanh dingah ICJ a rak kal lio thlacam hrihhawh btk hna kha tuah ah attha deuh men lai dah.

Cunglei in palik sinah sandahpiah mi hna kahnak nawl le tlaihkhihnak nawl pek an si cang. Sandahpiahnak nih kawlram a thleng meimei lai lo, 1nk kawl ralkap an lung an i thlen hnu lawngah. 2nk Ramdang khuaruat nih an hun tuk doh dah ti lo cun mu. Cattialtu: William HC

Leave a Reply