Khah Lainu Zong Rak I Ralring Cikcek Uh A Bikin China Ram Ah A Kalmi China Pawl Nih Kawlnu Cungah An Tuahmi Tihnung Tuk Asi

Theihtlei

China Pawl Nih Kawlrammi kum 17 nute Cu Zuar Ding In An Hren Nain An Tlaihmanh Hna

Kawlnu kum 17 nute cu China ram inn pakhat chungah an hren in a um i, cu nungak nute cun chuak khawhnak lam a kawl len i asining a konglam cu ca in a ttial i, thlalang-awng in leng lei ah a cattialmi cu a hlonh i cu ca a hlonhmi cu kawlrammi minung pakhat nih a rak hmuhpiak.

Hi nungak nute an hrennak hmun hi China le Kawlram ramri chung Shweli District asi tiah theih asi. A hrengtu hna hi Chinese pawl an si ti asi. September 20 ah khan cu a konglam a tialnak ca a hmuhtu nih cun nawlngeitu sinah reportnak a tuah colh i, september 21 ah China palik le kawlrammi NGO hna nih an chuah khawh.

Atu bantukin kawlnu pawl hi zeizat dah an hren cang hna ti cu an langhter lo. Hi kawlnu kum 17 nu a inn pakhat chungah a hrengtu hna tiah lunghrinhmi pa 7 an tlaih cang hna i, hiti an hrennak a ruang cu hmun dangah zuar tthan an timh tiah theih asi. SDDI

Leave a Reply