Lainu Malaysia a rak tlungmi nu pakhat Kum 30 hrawng simi Lainu cu nizan suimilam 10 hrawngah Yangon airport ah a phan i atulio zawtnak tihnung Coronavirus angei tiah an lunghrinh caah Yangon sizungah a rannak in checknak tuah dingin an kuat colh tiah kan theih. Lainu an lunghrinhmi nu hi nizan ah Malaysia Kuala Lumpur in kawlram leiah rak tlungmi a si.

Yangon Airport a phak bakin nawlngeitu nih a ngandamnak an check tikah a tak alin, a khuh i a thaba zangba in a um caah coronavirus zawtnak bantuk a si ko tiah an lunghrinh i, ttuanvo ngeitu hna nih sizung leiah an kuat colh. Hi kong he pehtlaiin Coronavirus a ngei tiah an lunghrinhmi min hi an langhter duh lomi cu kum 30 hrawng minung asi i atu hi zohfelnak an ngeih lio a si i an zohfel hnuah si bawite nih National Institutes of Health Laboratory tim ah kan kuat lai tiah theih a si.

Biakilh: Kan i ralrin taktak aherh cang tinak a si. Zawtnak cu hrial len duh zongah hrial khawhmi a si lo caah i ralrin taktak aherhmi a si. Sibawite nih tuah uh an timi, cucu tuah law a ttha an timi kha tuah khawh i zuam hna usih law i ralring ko hna usih. Thawngpang thar a um ahcun thanhtthan khawh kan i zuam tthan lai. Hmanthlak khi a rem caanning in kan tarmi a si. Chinworld

Relchih. Ramkheel (Politic) tuah ning kan I palh ahcun kan duh mi zauk phung hmu lo sual a fawi: 2020 thimnak a van nai deuh deuh i mah le hmuh ning cio in ramkheel kong chim le catial a van tam ngai. mah tanh mi Party kong siseh, pumpak hmuh ning zong social media ah relcawk lo bak a si cang. Ramkheel kong tial bik mi hi then hnih ah then khawh a si. cucu Phunghram remh ding aa hmaithlak mi asiloah phunghram ral a do mi le NLD Party doh in Ramkheel a tuah mi ti in then khawh an si.

NLD cu cozah a tlai lio mi an si i, Cozah tlai lio mi Party cu mi zei poh nih soisel phung a si ko. a bik in Democracy ram ahcun soisel cu a um bak ding a si ko. a poi ngai mi cu NLD nak nih ramthen chonak a chuah pi lai maw? NLD nih maw kan ram hi a hrawh? ti zong ruah a herh ve. NLD nih ralkap lak le Phunghram lak ah cun a a tinh ning in rian a tuan kho lo nain Miphun kip caah a si khawh chung in rian a tuan ko ti cu hmuh khawh a si. NLD Party dohtu hna nih nan lanh tak tawn mi cu NLD nan doh tluk in Phunghram fektur in aa tlaihtu hna cung ah thangdeuh in nan au a herh ve. NLD cu tong te thlak rumro cun thla kho ne ulaw Miphun Party kip nih teinak hmanh hmuh ulaw Ralkap lak ahcun zei hmanh nan tuah kho ve hlei lai lo. zei he dah aa lawh ti ahcun hling le so lak ah keden lo in tlik zuamter he aa lo. Phunghram lak le ralkap lak ah federal kan aupi mi cu a palh hrimhrim lo nain a lam a si deuh lo.

Phunghram remhnak kong ah NLD nih a lem in a lem hna, cu hmanh ah an lung aa thleng kho rih lo va sikaw a rianrang le hramhram cun remh khawh a si hrimhrim lai lo. ralkap 25% vote cu a tlawm ko nain tei khawh an harnak a ruang cu hriamnam le nawl ngaihnak lak colh khawh nak pawng an um caah an rala tha I vote tlawm deuh hmanh sehlaw vote tam deuh ruahnak in a kal kho lo. Phunghram cheu khat remhnak ahcun vote an i teiter ko nain, phunghram pohmah 436, 261 ti bantuk, a bik in nawl ngaihnak le cozah sernak he aa pehtlai mi phunhram zawn ahcun vote in mitei an I tim lo, nawlngaihnak hmang in tei kha an timh mi a si.

cu nawl ngaihnak cu ralkap sin ah a phan than sual lai ti phan ruang ah rianrang le hramhram in NLD nih zauk phung a thlen lo hi a si. a taktak le ngaingai ti ahcun thisen lak, thong chung tiang in ramkheel arak tuah mi hna hi NLD minung lawngte an si. nihin Miphun Party minung hna nih thong chung tiang in politic a tuah mi nan um tuk lo. Chin Miphun nih harnak kan ton mi tuanbia chim le tial cu Phete le Phuvom tuanbia tluk in nan chim khawh. asinain nihin kan ram ramkheel umtu ning le puula bang aa tawn mi ramkheel hliah cang phoih ning bel nan hngal deuh lo.

NLD cozah a kai mi hi caan tha laknak ah a herh nain tuantuk in caan tha kan lak sual ahcun miphun Party nih aa tinh mi zauk phung a vai vuan than kho mi a si. NLD nih Cozah tlaih peng le Miphun Party hna kha cawl cang kho lo in tuah ding aa hmaithlak hrimhrim lo. Miphun Party le Miphun dang hna ca ah dawn khantu a si mi phunghram kha hrawh piak i cu phunghram hrawh hnu ah ramkheel Party vialte hna nih a thiang hlim mi ramkheel hmang in cozah i cuh le ser khawh te ding aa hmai thlak caah phunghram remh aa hmaithlak mi a si. USDP Party le ralkap nih siang ngai in pohmah 261 cu remh piak ding biatung an dirh nain pohmah 436 cu remh ding an duh bak lo. zei he dah aa lawh ti ahcun hman lo ding tangka thenh he aa lo. tangka kan thenh ti i va hmang hlah ti he aa khat.

Myanmar ram phunghram cu tawh hrenh khanh mi phunghram a si ti khawh a si. Phunghram remh khawhnak phunghram kha remh hmasa hnu ah phunghram pi taktak lawng kha aa remh kho. phunghram remh khawh nakding ah 75% duhnak nih a tei hnu hmanh ah vote thla kho ding mi mipi vote , zatceo nak tamdeuh vote hmuh hnu lawng ah remh ding timi upadi hi remh hmasa aherh. pohmah remh khawh ahcun tlang cung miphun le party kip caah a lam a kau tuk. Cucaah NLD doh hi biapi ah kan chiah ahcun kan duh mi zauk phung vaivuanh a fawi te. lungsau in NLD hi dirpi ko hna usih. Credit: By: Rolian