Khah! Kawlram Fighter Phoe Thaw Cu A Mualpho Diam Ko Ai Bia Ai Chim Sual Cikcek Ko Hih

MMA One Championship i One Century puapi cu Japan khualipi a simi Tokyo ah tuni 13 October 2019 ah tuah a si cang. Cu puai cu part-1 le part-2 tiah an tthen i, kan i ngaih taktak mi Aung La Nsang le Brandon Vera hi part-2 nakah aa thong ding an si.

Part-1 nak a puai hnihnak ah kawlram fighter a simi Phoe Thaw le South Korea Fighter Yoong Chang Min an i thong i S.Korea Fighter Yoong Cang Min nih teinak a hmuh. Kawlram mipi nih an uar taktak vemi a si i, tuzing kawlram lei suimilam 7:00 ah an i thong i round-1 nak hmanh a dih hlanah S.Korea Fighter Yoong Chang Ming nih a tei colh. Kawlram fighter a simi Phoe Thaw nih a chimmi cu S.Korea Fighter Yoong Cang Min cu Second 20 ah ka tei lai tiah aa chim i, amah cung tu ah a tlung diam ai. Ai chim sual cikcek ko. S.Korea Fighter Yoong Cang Min nih rau lo te ah a tei colh diam ko.

Atuhi Japan rampi ah an ttih a nung taktak mi Typhoon Hagibis thlichia a hrang i mipi harnak an tong i thinphang dai loin an um lio hna a si. Asinain MMA One Championship, One Century puaipi cu an tuah tthiamtthiam ko. Vawleipi nih a zoh vemi le a ngaih vemi Aung La Nsang le Brandon Vera hi part-2 nakah an i thong ve lai.