Chin Miphun a vemi Myanmar Idol zuamnak ah Top 8 tiang a phan kho vemi Tan Khun Kyaw@Thuam Lian Thang cu Top 8 tiang Myanmar Idol Season 4 zuamnak a phan kho ve. Asinain Judges pawl zong nih a thiam tuk ko, an duh fawn ko nain Voting in atla diam ko lai ai. Judges Phyu Phyu hna nih cun Tan Khun Kyaw sinah chim ding ka ngei lo ti tiangin a ti.

 

Ngakttah te asi ko nain Pathian a ttihzah i Top 8 ah tla ko hmanhsehlaw a chuahsemnak khua a va kir cu sunglawi taktak in a rak don. Vuanci pakhat tluk don bantuk bakin an rak don. Cu lawng hmanh si loin tuhla chungah Concert an tuahpiak lai tiah thawngpang theih asi fawn.

Mipi an lungfah ngaimi le an ngaihchiat ngaimi pakhat cu, a kee ah thil (steel) an bunhmi tiang mipi sinah thlahzamh le langhter asi tikah mipi an celh ve hrimhrim lo. Zaangfak taktak asi. Pathian umpi in a lam hruai ko seh! Tuni ah a Facebook ah hmanthlak a tar i ca a ttial chihmi cu ” Kapi le kapu le nih ka lu chungah an kut chuan in thluachuah piak cu ka lawm tuk hringhran. Bawipa nih thluachuahnak pe ko hna seh,” tiah a tar.