Phyu Phyu Kyaw Thein: Mui Dawh Paoh Bottom 3 Ah An Thu Tiin Ruat U: Myanmar Idol Season 4, Top 8 hna cu Country hlasak in November 21 zanah khan zuamnak an ngei i, November 22 zanah result phuan asi. Mah result phuannak ahhin mipi nih zumh bikmi Esther Dawt Chin Sung, Tan Khun Kyaw le Aye Mya Phyu hna cu dirhmun niambik tthutnak Bottom 3 line ah an tthu hna. Esther le Aye Mya Phyu cu an kai tthan nain Tan Khun Kyaw tu cu a tla thai.

Esther le Aye Mya Phyu cu niambik tthutnak Bottom 3 line i an tthut ruangah mipi pawl an khuaruahhar pinah an lungtling cio lo. Hi kong he pehtlaiin Judge Phyu Phyu Kyaw Thein nih capo biatak in a chim mi cu, muidawh paoh bottom 3 ah an tthu tiin ruat ko u. An dihlak in an i dawh i an tthu dih hna lai. Hi kong hi Myanmar Celebrity TV nih Myanmar Idol biachim tu Kyaw Htet Aung zong an rak hal bal cang. Tutan ah Cele Yatkwat hna nih an hal tikah Aye Mya Phyu zong nih Myanmar Idol sining le kal phung cu chim fiannak a tuah ve.

Aye Mya Phyu: A tanglei hna hi hlasak thiam mi lawnglawng an si hna i, an thiamnak ai dang cio. Zeibantuk Idol zuamnak paoh ah Final lei asi ahcun Judge hna nih nawlngaihnak an ngeituk ti lo. Mipi vote hmangin a kal cang, cu cu Idol kal phunlam si ko. Tutan ah Esther Dawt Chin Sung, Tan Khun Kyaw le Aye Mya Phyu cu bottom 3 line tthutnak an tthut tikah mipi cu khuaruahhar ngaiin nan um nain Judge cu kan khuaruahhar lo, nain kan lung cu a nuam ve hrim lo.

Anmah lakah pakhat nih Myanmar Idol a ngah si le kan lawmhpi in kan diriam ding si ko. Cun, pakhat khat an tlak tikah kan lung nuam lo i, kan ui fawn hna. Esther Dawt Chin Sung, Tan Khun Kyaw le Aye Mya Phyu cu bottom 3 line tthutnak i an tthut tikah mipi khuaruahhar ngaiin kan umnak ruang cu lenglei in comment tu le like tu an tamtuk ruangah si ko. A ruang taktak cu, tha petu voting a tlawm ruangah mipi an khuaruahhar.

 

Kan ram ahcun lenglei i tha petu hna le chunglei i tha petu hna dirhmun hi a thlautuk. Lenglei Social Media ahcun the petu an tamtuk nain a chunglei taktak ahcun tha tepu an rak tlawm ngaingai. Kan theih ding mi cu lenglei tha petu hna le chunglei tha petu hna hi i khat sehlaw mi zeihmanh bottom 3 line ahhin a tthu ding an um hnga lo. Myanmar Idol ahcun voting hi a biapi taktak, Online chung hla kan cawk mi le Video cawtu hna tu khi chunglei tha petu taktak an si.

Lenglei Social Media tha pek hi a biapi lo ka tinak cu si lo, Like le comment kan pek zong hi a biapi tuk, mipi nih an hlasak nan duh i nan uar hna ti cu kan theih, sinain lenglei le chunglei cu a thlautuk. Phaisa tampi nih in Myanmar Idol kan tuah timi hi mipi nih nan theih lai timi zumhnak ka ngei, Tan Khun Kyaw zong vote a hmuh tlawm ruangah Myanmar Idol a chuah tak nak khi si ko.

A tla cang ko nain a konglam hi atu tiang a dai kho rih lo, aa thawk kaa lawng si rih i, hlawhtlinnak zong a hmu lai. Kum 16 chung ringawn vawlei ah ka rak um cang ruangah lenglei tha petu le chunglei tha petu dirhmun cu ka theihtuk ko. Cun, tutan a zuam mi hna hi an dihlak in dirhmun niambik tthutnak bottom 3 line ah an tthu dih hna lai, hmailei an kar hlannak ding caah an dihlak in an tthu dih hna lai. Cun, mipi theih lo caan zongah an tthut caan um te lai.

A ruang bik cu chunglei ngaingain tha petu an um lo ruangah si ko. Cun, leinglei tha petu hna sin i nan i lawmh bantukin chunglei tha petu hna cung zongah upat hmaizahnak pek thiam u timi cah kan duh hna. Capo biatakin muidawh paoh bottom 3 line ah an tthu tiin ruat ko u, an dihlak in an i dawh i an tthu dih lai,”tiah a donghnak ah a chim. Video

https://www.facebook.com/celeyatkwat.duwun/videos/790017911458650/