Khah! Kan I Hngah Hlang Tukmi Aung La Nsang Le Brandon Vera Puai Kongah Manny Pacquiao Zong Nih A Vun Chim Ve Cang A Ropui Taktak Cang Lai Hi Brandon Vera Biachim Cu Amak Kho Taktak Cang

Vawlei cung boxing thonghthiam lakah minthang pakhat a si vemi Brandon Vera nih Myanmar Python Aung La Nsang cu Japan ram ah Boxing i thongh dingah a rak singkaw bantuk tein an i thonghnak ding ni le thla a nai chin lengmang cang caah Aung La Nsang zong a team pawl he Japan ram dam tein an phan ve cang. Tutan Brandon Vera le Aung La Nsang boxing an i thongh ding hi anmah pahnih caah tuanbia dawh an tial veve ding a si caah a biapi taktak mi nungnak puai ngan an ngeihmi a si veve.

Dam tein an um a si ahcun ara laimi 13 October, 2019 Japan ram ah an i thong taktak cang lai. Hi kong he pehtlaiin Brandon Vera zong media tampi nih biahalnak an tuah cang. Brandon Vera lebang nih cun Hollywood Movie ka thlak cuahmah lio a si caah hi tluk in a ngan bak vemi Aung La Nsang he kan i thonghnak pawl ka movie chungah ka telh chih lai caah a ttha khot chung ttha in ka zuam lai i, teinak cu keimah ta a si ko lai tiah a ti.

Aungla Nsang zong BBC Burmese le a dangdang media tampi zong nih biahalnak an tuah ve cang. Aung La Nsang nih media pawl sinah a chim vemi cu “tutan puai hi keimah caah cun a ropui ngai vemi a si. Brandon Vera hi keimah pumpak hrimhrim in ka rak uar ngaimi Boxing thongthiam pakhat a si. Cu bantuk minung he boxing i thongh tti kho ding caah caan ttha ka ngeihmi hi cu keimah caah cun a sunglawi tukmi a si. Thlaruk chung timhlamhnak ttha tein ka ngeih ve cang caah keimah nih ka tei ve hrimhrim ko lai tiah a ti ve.

Tutan Aung La Nsang le a team members pawl Japan ram an luh lioah Japan ram ah a ummi Kachin Community nih sunglawi taktak in an rak don hna.Aung La Nsang nh zeitik hmanh ah a philh khawh ballo mi cu vawlei cung khuaza ram um Myanmar mi 6 millions nih thazaang nan kan pek caah ka lawm tuk tiah a chim peng lengmang ve. Minung hi hnulei in dirhpitu le ttanhtu ngeih hi zei tluk in dah arak sunlawi timi hi philh awk a ttha hrimhrim lo. Teinak cu Bawipa kut ah a ummi a si caah Aung La Nsang nih tutan Boxing puai ah teinak a hmu khawhnak ding caah thlacamnak he bawm cio hram ko hna usih!

Manny Pacquiao zong nih tutan Aung La Nsang le Brandon Vera an i thongh ding cu zoh lai an i ngaih kho taktak ve cang. Aungla Nsang cu thazaang petu nikhat hnu nikhat in an tam chin lengmang cang. Bawipa nih a umpi ko lai. Manny Pacquiao nih cun aho hmanh ttanh leinak hoih in bia a chim lo uar a um ngai taktak. An pahnih in zei tluk in dah uar an um ti lawng a chim. Zion Tlang