Khah Kan BIa Hi Tawi Koseh. Kan Duh Zong Duhlozong Ah Kan Tawn Ding Mi Cu A Fiang Ko: Kan ram kong cu phundang sisehlaw vawleicung ram dang an ihruai ning mah hmanhah democresy ram hna nih an i hruai ning ram pumpi an si ah State an si ah minister pakhatkhat maw rian an khinh cang mi hna cu an rianttuan chung i tlinlonak le eihmuarnak le diklonak case faakpi a ngei mi an si lo paoh ahcun caan nolh thimnak i an tlin than paoh a si ahcun an rian tthing i an chiah ko hna.

Asinain an tlaih mi rian an ttuan lio i minchiatnak an ngeih i case hna an ngeih sual belte ahcun mp or mla ah tling than hmanh hnaselaw an tlaih cia mi rianah an chia ti hna lo,mp menmen maw mla menmen ah khin an chiah hna tawn ko hna. Mah hi kong ka tial tik ah hin myanmar ram nih aingeih mi phunhram pawl zohchih in ka tial mi a si lo, vawleicung ram dangdang hna nih an kalpi ning zoh tu in ka tial mi a si ti kha nan ka theih piak dingah kan nawl hmasa duh hna.

Cucaah atu ah hin Dr. Sa Sa cu Vice President ah chiah a si lai tiin kawl media hmete nih a langhter mi kongah bia i alnak tete zong a um pah len i, mah hi cu 100% bak in zumh lo ding bia le thawngpang a si ti kan i fian a herh, asinain belte in pisuh nih hin a duh ahcun minister rian pakhatkhat belte ahcun a chiah khawh ti mi belte cu kei zong nih ka cohlan nig a si ve.

Myanmar Vice President cu Kachin zong a pe hna lai lo. Shan maw, Karen maw mon maw a pe hna lai lo. Henry Van Thio thiam kha Vice president ah a chiah ko lai,sihmanhselaw thil a um kho mi belte ahcun Henry Van Thio hi President hna ah a chiah sual le a tlin belte ahcun midang tu Chin a si lo mi tu kha a mah zaka ah an lut te ko lai ti hi a fiang mi a si ko, cucaahkan duh ah maw duhlo ah maw? Henry Van Thio cu President or Vice President cu a si ko lai ti hi cohlan ko hna usih, mah hi keimah cuanh ning a si. Cattialtu: Tin Duh Thang