Tuni cu CCI upa hna le Perry Township sianginn rianṭuantu upa tonnak kan ngei. Kan tonmi hna cu: 1. Mr. Patrick W. Mapes (Perry Township Superintendent) 2. Mr. Chris Sampson (Associate Superintendent) 3. Mrs. Vicky Carpenter (Assistant Superintendent for Foundational Learning) 4. Mr. Robert Bohannon (Assistant Superintendent for Career Preparation) 5. Mrs. Jane Pollard (Director of Elementary Education/Title I Administrator) 6. Mr. Van Ceu Uk (District Parent Liaison) 7. Mrs. Whitney Wilkowski (Director of EL Department and Professional Development)

Tuni kan iruahmi ah a biapimi hna theihding cu: 1. Township chung i Elementary (Primary School) ahcun kanmah Chinmi kan fale hi (56%)100 chung ah 56 an si cang ti si. Miphundang vialte fonh nak in kanmah Chinmi kan tam deuh cang. 2. Elementary sianginn pawl nih hin Chinmi Khrihfabu he ibawm in rianṭuanṭi kan duh ko ti a si. Khrihfabu hna nih kan pawngkam ummi Elementary sianginn he cun ipehtlaih cio ah a ṭha.

3. Superintendent pa nih a ralaimi ah kan khuabawi pa he ton in community caah inn nganpi sak ding zong timhlamhnak an ngei. Thlacamnak in bawm hna usih. 4. Kan fale cachim pawl caah lahkhah karhterding in timhlamhnak an ngeih caah inn vawlei (property tax) ngunkhuai a kai te kho men. Kan nih nih cun cu kong he pehtlai in mipi sinah an chuahpi tikah (referendum) lungtlinpin ding zong in kan i ruah.

5. Chin National Day hmannak kong ah sianginn zong a herhning in hmanter ding in timhlamhnak an ngei. 6. PTA (Parent Teacher Association) ah a si khawh chung in tel ding in an kan forh. Kan Chin nu le pa hna nan fale sianginn a kai ko ahcun zaangfah tein rak itel hraam uh. Kan fale an tam ngai ṭung i nu le pa itel a tlawm ahcun a si kho hrimhrim lo.

7. Milurelnak (Census) a biapit zia an kan chimh. Rampi cozah (Federal) nih minung kan tlawm/tam zoh in phaisa pek a si. Sianginn ca zong ah minung kan tlawm/tam zoh in phaisa pek a si. Cucaah kan miphun za tein tutan milurelnak (Census) ah tel khawh izuam dih hna usih. Anmah sianginn lei zong nih a herhning in an kan bawmh lai. Laipuan hi CCI min in laksawng kan pekmi hna a si. CCI nih Indianapolis chung um Chinmi vialte caah a lamkip in thazaang a chuahpeng. Chin Community of Indiana