Pu Zo Tum Hmung: ICJ kongah US Commission on International Religious Freedom (USCIRF) dirhmun ka nolh tthan lai Commissioners 8 an um. 3 hi President Trump nih a khanh hna. Senate Majority Leader Mitch McConnell R nih 1. Senate Minority Leader Charles Schumer D nih 2; House Leader Nancy Pelosi D nih 2. Anmah 8 nih ICJ an dirhkamh.

President Trump minung aa tel. R hruaitu minung an i tel. D hruaitu minung an i tel. Hi upa hna nih an langhtermi bia hi bia sawhsawh a si lai tiah ka ruat lo. Adang chim ding an tampi rih. International lawyer ka si lo nain, ka ruahnak ka vun chap rih lai.

ICJ ah Rohingya kong kha an lak. Nain, UN documents vialte zoh ahcun tlangcungmi a tuahto ning le anmah Kawl lila (e.g. 1988) a tuahto ning kong vialte an um dih. ICJ chungtel ram a si caah The Hague ah Kawlram tiah ti a si ko nain, a ngaite ti ahcun, cozah le ralkap an hnu in an dawimi hna a si, ti khawh a si.

Inn pa ram pakhat khat nih Kawlram a tuk lai ti bantuk a si lo. Mah ram chungah miphun dang pakhat kha cozah nih a ci hmih aa tim lai lo (genocide) timi phung (article 9) kha a buar ti a si deuh. DASSK nih zeibiadah a va chim te hnga?

A tang Cabia tawi zong hi Pu Zo Tum Hmung nih Chin Miphun sinah a kan cahmi si. Mah hin cun na lungfiang ngai ko lai. Europe um Chin miphun hna sinah. ICJ kongah Kawlram cozah dirhkamh leiin a ttang hnikmi Chin miphun an um men lai tiah thawngpang a leng. Cah kan duh hna. Zeitindah Europe ram kan phak, ti kha philh hlah uh.