Ka fapa Benjamin Sum caah zeihmanh ttihphannak le thinphannak ka ngei lo, Banjamin Sum hringtu nu Pi Laldin par: MMID Season 4 hlasak zuamnak ah Winner hmanh a co te lai tiah mipi nih ruah mi Salai Benjamin Sum a hringtu a nu Pi Lal Din Par nih cun ka fa pa Salai Benjamin Sum caah thinphan nak zei hmanh ka ngeilo.a ruang cu Salai Benjamin Sum cu ka ruahnak leng in ramchung ramleng in dawtu le ttanpi tu tampi a ngaih caah asi’ tiah a chim.

Media nih Salai Benjamin Sum a rhingtu a nu bia an hal nak ah cun nang mah le a pa hi Music lei a uar mi nan si maw? tiah an hal tik ah a leh mi hna cu Benjamin Sum a pa zong Music lei a uar mi le a tui ngai mi a si pim ah kei mah hrimhrim zong Music lei ah tha a pe ngaimi le a tui ngai mi ka si caah Salai Benjamin Sum zong hi Music lei ah cun kan mah le phak tawk in cun phan awk a um lo tluk ah kan ruah mi a si” tiah a leh hna.

Cun, a mah belte mi harsa kan si ve ruangah Salai Benjamin Sum hi kan sa duh thah ning bantuk in Music lei ah kar a hlang kho lo.hawi dang bantuk in Music lei ah zei hmanh cawn khawh mi a ngeilo i kan mah inn te ah a mah le phanh tawk te in Music a cawng mi asi. Cun, a tutan Myanmar Idol Season 4 hlazak zuamnak ah a tel ve mi kongah a hringtu a nu nih cun zeihmanh thin phannak le ttihnak ka ngeilo, a ruang cu ka fapa Ben Ben caah bawmchantu le thlacam piaktu tampi an um ti ka theih caah asi,” tiah a chim. Ref: worldnewsforchin