Holh theih lo kongah Mark 16 chung ah Pathian nih nawl pali a pek mi a um. 1. Keimah min in khuachia nan thawl lai 2. Rul sivai tha lo nan tongh zong ah an tei hna lai lo. 3. Holh theih lo nan holh lai. 4. Mizaw nan dam ter lai Holh theih lo kong ah kan upa le Bible lei kan mifim hna nih nan chim ning zoh tik ah lung a nuam lo ngai.

Holh theih lo hi Bible ah a um a si cun Jesuh le lamkal tu hna nih an kan cawnpiak hnga, anmah zong nih an hman ve hnga tiah a ti tu hna kan um hi khuaruahhar ngai a si. Jesuh Khrih amah hirmhrim nih holh theih lo hi biapi “serious” tak in a chim ve ko ti hi Bible rel ah hngalh khawh a si. Corinthian chung siseh Roman chung ah siseh thlarau laksawng kong kan hmuh khawh.

Hi thlarau laksawng lak ah holh theih lo kong aa tial lawng si loin holh theih lo leh khawhnak tiang in pek kan si timi kan hmuh khawh. Hikazawn ah bia hal ka van in duh ngai mi cu Pathian kan zumh, kan piangthar kan i ti, nan i ti ko nain zeiruangahdah holh theih lo hi kan cohlan duh hnga lo? Thiang thlarau cu kan cohlan ko nain zeiruangahdah holh theih lo hi kan cohlan lo.

Thiang thlarau cohlan ahcun a dihlak lawlaw in cohlan awk asi ko lo maw? Bible chung ah thlarau in thlacam uh, thlarau in hlasa uh timi hna kha zeidah asi hnga? Holh theih lo hi doh ding a si lo, doh ngam ding zong a si fawn lo. Jesuh holh theih loin a holh bal lo a ti tu hna nih Mathai- Mark-Luke le John khi thiangthlarau sawm bu tein rak rel te uh. Credit: Salai Tluang Te