Tulio Laimi ah zeibantuk hla paoh a thiammi le Laimi hna nih kan uar taktak mi Tlangval Siang Lian Tum nih amah pumpak hmuhning le zumhning cun a ruahning vialte a chim cang. Tlangval Siang Liam Tum cu Laimi nih kan theih dih mi a si. Amah hi hlasak thiam ahcun a tlinh bik ko tiah Laimi nih timi a si. Zeibantuk hla paoh a sakho mi a si.

Zuun hla a sak ahcun zuunhla hoih bak in a sak thiam i, ram hla a sak ahcun ramhla hoih bak in a sak thiam. Cun Rock hla a sak ahcun rock bak a si. An mah le an hla hoih in Tlangval Siang Lian Tum cu a sa khomi a si. Hla a sak ah hin a cung chimcia bangin Hla a sining hoih bak in a sa thiammi khi asi. Tthenkhat laimi tampi cu zeibantuk hla an sak zongah aa khat bantukin an sak tawn khi mu.

Hi konghe pehtlaiin hlasak thiam Tlangval Siang Lian Tum nih tutan Myanmar Idol Season 4 zuamnak ah aa telmi Chinmi pathum Esther Dawt Chin Sung le Yaw Kee cun Benjamin hna kongah a mah pumpak in a hmuhning a chim. Hlasak thiam Tlangval Siang Lian Tum nih a mah pumpak ruahnak le a mah pumpak in a zumhmi cu a tanglei bantukin hin a chim. Esther Dawt Chin Sung hi cu a thiam bak ko tiah ka hmuh, Atutiang Nu a taangmi chungah hin cun amah nak in a thiammi an um lo tiah ka ruah. Nu bak ahcun amah hi a thiam bik mi a si ko. Nu le Pa an thiamnak hi cu aa dang ngaingai tiah kei cu ka hmuh. Benjamin Sum le Yaw Kee cun Esther Dawt Chin Sung ah ahodah a thiam bik vun ti ahcun Esther hi cu phundang ah chiah khawh asi.

Nu an thiamnak cu nu an thiamnak pathiamnak he hin vun kawp dingah thilhar ngaingai khi a si. Tutan ah nu nih teinak an hmuh a si ahcun Esther Dawt Chin Sung winner cu a si lai ti hi keimah pumpak cun ka zumhning a si. Benjamin Sum hi zuamnak aluh ka a hramthok hrawnghrang ah khan cun ka zumh bak mi a si. Athiam hrimhrim a thiamtuk ka rak ti i hitining asi ko ahcun winner asi te ko lai tihi ka rak ruah.

Asinain an hlasak mi an vun thlen hna, Rock hla cun Country tibantuk ah Benjamin Sum nih asakmi ka vun ngaih tikah keimah pumpak cun ka lau deuh. Tuan deuh zuamnak aluhka hrawng ka rak uarning le ka zumhning bantukin ka uar kho deuh ti lo. Aruang cu Rock hla siseh Country cun adangdang asakmi ah hin a thiam cu a thiam bak soisel dingmi a um lo tiah ka ruah.

Culio ah ka thinlung thil pakhat ka ruahmi belte cu Benjamin Sum hi a thiam taktak ko nain hla asak mi ahhin a hla hoih, ram hla maw rock hla maw a sak ah hin a Aaw hi aa khat deuh in ka hmuh. Hla asak mi a hramthok hrawng lio i, bantuk, zeihla asak paoh ah hin rock lei deuh peng in a sak in ka ruah. Hi zawnte tuhi keimah pumpak cun ka siaremlo deuhmi asi. A aw a ttha athiambak ko. nain hla a sak ahhin chimcia bangin Rock lei deuh peng in a sa in ka hmuh.

Cun Benjamin Sum hi vote hmangin winner a si te lai tihi keimah pumpak cun ka zumh. Aruang cu tutan Myanmar Idol zuamnak hi mipi vote hmangin kalpi mi a si tikah Benjamin Sum caah winner sinak lam a fawituk, Kawl mipi nih an uartuk, Cun Falam lei zong nih an dirkamhnak tampi kan hmuh, Cun Thantlang Hakha, zong nih a uarmi tampi an um. Vote hmangin tutan hi tawlrel asi ko caah winner cu Benjamin Sum hi a si ko lai tiah keimah nih ka ruah.

Yaw Kee hi keimah pumpak cun tutan Myanmar Idol Season 4 zuamnak ah cun ka uar bik mi le a thiam bik bak a si tiah ka hmuh. Yaw Kee hi athiam bak tiah ka tinak a ruang cu zeibantuk hla a sak paoh amah le ahla a sining tein a sak khawh dih. A thleiden khawh dih. Ram hla a sak ahcun ram hla aw cawi in a sak khawh cun Rock hla asak ah Rock bak in a tthuat, Zuun hla asak ah zuun hla tibantukin hla hi a sining le ahoih bak in aw a tuah kho ka ti.

Yaw Kee hi cu kemah mithmuh le keimah pumpak ruahnak bak cun a thiam bikmi a si ko ka ti, Tutan myanmar Idol season 4 zuamnak ah hin vote pek cu si hlah sehlaw, Yaw Kee nih winner cu a si co ko lai ka ti. Asinain vote hmangin a vun si tik ahcun winner tucu a co kho lai lo tiah ka ruah. Vote i tel lo cun Yaw Kee hi winner ka zumh i, vote a vun si tikah Benjamin Sum hi winner ah ka zumh cun tutan hi nu nih an co hau tiah tawlreltu nih an ti ahcun Esther Hi winner asi lai tiah keimah pumpak cun ka hmuh ning le ka zumhning cu a si. Ref: CLP