Myanmar Idol Season 4 Top 5 zuamnak cu nizaan December 12 zaan ah thawk tthan a si i zoh an dawh ngaingai. Nizaan cu Top 5 pawl zong an thiam kho taktak. Level pakhat hnu pakhat in an thiam lengmang i zoh an nuam chin lengmang. Top 5 chungin kan nau le Benjamin Sum le Esther Dawt Chin Sung nih hlaphuah thiam Wai Gyi hla an pahnih tein an sak veve.

Esther Le Benjamin Sum nih a hla an vun sak cu hlaphuah thiam Wai Gyi cu a khuaruah tiang a har dih. A ruahnak lengpi in an sak khawh tikah a khuaruah a har dih. Wai Gyi nih a chimmi cu  Hla i a sinak a tlau lai ka phang tuk nain an vun sak taktak cu a ttha kho taktak. A hleice in aw a ka remhpiaktu a tumtu le aw pek ningcang a cawntertu pawl zong an thiam kho tuk i a satu hrimhrim an thiam kho taktak.

Minung cu ahohmanh a tlamtlingmi le a tling dihmi kan um lo. Asinain annih cu Live bakin an sak tikah an caah harsatnak tampi a um ko lai nain ttha tein an sak khawh i a ttha tuk hringhran. Esther zong siseh Benjamin zong siseh an pahnih an thiam ngaingai. Sii hla konghe pehtlaiin Benjamin Sum nih a sak lai ti ka theih tikah ka thinphang ngaingai.

Zeiruang ah dah ti ahcun Connie nih a ka sakpiakmi kha ttha tuk i a har ngaimi a si. Curuangah Benjamin Sum nih a sak sual lai chimchiat le soisel a tong lai i a sak khawh a si ahcun thangthat ngaingai ding a si fawn. Cu tikah a sa kho te hnga ti ka ruat i ka thin a phang ngaingai. Connie he tahchun ding cu a si lo. A ruang cu Connie cu a sa hramsattu a si amah ruangah hi hla a chuah hi a si ti zong chim khawh a si. Benjamin Sum zong a thiam kho taktak phundang pi a sa khawh i Key a kai a nak hrimhrim cu ka uar kho tuk.

Fashion nih biahalnak an tuah lioah Wai Gyi nih cun  Ka hawipa pakhat nih na hla pahnih an sak lai ti a ka ti ka rak zoh ve i an pahnih in ruah lo piin an thiam kho taktak. An kum rup loin cawnpiaktu nih an cawnpiakmi hna atthat ruang zongah an sakmi ttha ngainagi. Esther a sakmi zong hi ka phuah dih hnuah ka sak tthan i har ka ti tukmi le ka sak kho lomi a si. Zeitluk in dah a har lai ti cu ka thei asinain ttha tuk an khawh i ka lawm taktak. Zuamnak cu aikhat cio lo i Myanmar Idol cu bochanmi lawnglawngte an si hna i ka zumh ngai hna. Kan key zong aikhat tuk ah ka theih i anma ruangah dirhmun sang ka phan phah ti chim khawh a si. Wai tiin mipi zong nih an ka theih cang lai tiah a chim.

https://www.youtube.com/watch?v=_BkyAgSmRqI

https://www.youtube.com/watch?v=55snLEAnkBM