Chin Ramkhel Kongah USA in Pu Hlun Biacah (2) ICJ Kong le Chinmi Caah CNF hi zei hualo asi nanti maw cu! ICJ tazacuai nak Kong cu tehte tling tein an chuahpi kho bantukin CNF nih hin Ralkap nih Nuhrin covo anbuar nak vialte kha cauk, Cathluan, Capar, Hmanthlak, awkhumh mi hna he tiah tling tein UN le nitlakram hna ah achuah pi khawh caah Chinmi Nihin dirhhmun kan phan. Nan theih cangmaw? Tuchan bantukin Social Media, phone le IT chan si rih lo cu. CUduh zong an hman lo. Nunnak thap in hmanthlak mi dakaw asi.

Ralkap Sualtaktak mi, Chinmitamtuk ankan hrem tu, kuli phur tertu, Khuabawi vialte thongthlaktu, Ralbawi hna kha (Min kan langhter lailo. Nantheihko lai), an thah khawh tuk hna. Mipi harnak le thahnawn tawn ding kha an kan sian lo caah, nihrin covo an buar nak vialte kha Gambia hlan ah UN ah an rak chuah pi diam cang. CNF ruang ah Chinmi nih Vawleipi level in kan ṭhutdirh khawh ve I International level in kanfimthiam khawh ve cang.

Hakha le Chin khuapi Inn ṭha lo ṭha le Leilawng ṭha ṭha vialte khi Na pipu le nupa ro ansi ṭung lo. Fimnak thiam nak cawn zawng ah ngunsawm ah thadam tein kanduh zat catang tiang kancawn khawh ve cang. Ramkhel zong ah anmah thawng in zalon tein kan chimrel ngam ve cang cu mu.

Hakha, Thantlang le Falam khualipi ah mirum fa le anih nih timi fapa rual hna dakaw, sifah reithei tuar in ramlak ah, Cangvat, hmaifa, sahrang le thattu rallak ah Riaklang VA bang, ram caah nunnak thap rih hna. An duh zat in fimcawn can ngei ti hlah, Sipuazi tuah can zong ngei ti hlah, Runrep lo Run Inn dai tang ah Sunghno chuanrawl ei duh ve lo bang, Nilinh khuasik le ruah inntuar nak tu I thimh hna mu.

Zunngai le zuntuar can ah hung lenkai awk thlan mual te hmanh ngei ve lo. Johnson cu Rili ah a thlan asi ti tal kan theih cu mu. Thocaan hman ah Rawl dum ṭi le zuupi dawp sawmhmanh aton bal ve lomi Nunthap Chin pasal hna 70 lengmu, Uk Sang hmanh milem tuahpiak timh lio, Zudin sabar nak te hmanh ah kong ceih a ton lomi Nunthap Chin Ralkap hna le Tulio Si-En-Ep. Nang le kei cu Rizung mual kan liam ah thlam ṭhabik thimh nak nawl tal kan ngei rih. Lungdonh piak zong kan si rih. Mi thangṭha fapa hna lo bang eidin tuar, har nak phungtling tuar, Fenh le ai aa zal khawh ve lo mi bang, hnipuan tiang in harnak tuar hna mu, Miphun le ram zalen nak caah.

Duhchan mi: Lungfak Intuar tuk le Lungdo hma he Sayama Ni Sui Lian Bia ka hung lehnak asi. Naitan bia achimh mi ah Si-An-Ep hna cu ti phun le Zeihmanh an si lo. Zei huaha le zei pip tuah kho an si lo, tiah zei a rello tuk nak hna ca karel tik ah kan hnakruh no a katṭamh I lungdo hma bang Chuanrawl dum khawh lo le merem khawh lo in ka um. Na kawl party NLD kong achim mi ah a sual ka ti nak aum lo. Si-An-Ep zei arel lo tuk mi hna kha bia ka lehduh mi asi.

Katar cang fawn. Mi bantuk caṭial khawhmi kasi lo caah kafap Pa Rung hi ka hung fialnak asi. A Kawl party cu ṭanh ko seh. Me kan pe ṭhan u ti ko seh. Zeidah Si-An-Ep cu hnursuan le thangchiat ahau. Mipi an kan dawt ahcun Chin Cozah NLD uktu hna Tender Vuanci an si dih nak tu hi dakaw achimh deuh ding si lehlam. Chinram Federal caah pelte hmanh kachimh ngam ballo tiah sual thupha tu cuai deuh seh ca!Abia apelh tuk hoi rih. Chin Party zong ah um khawh kasi ko a hei ti rih. Hihi maw chin party nih kan duh lai. Party Upa nih anduh I an thim hmanh ah Mipi nih kan duh lai lo. Kanchung lei le ṭa le sining law Rolung kabunh hnga.

Midang zong nih Si-An-Ep cung ah biathlah I ralrin cang hna uh si. Theih setsai lo le An inntuar nak, an santlai nak, an tuahto nak, miphun ram caah mah le mah hnuchit bakin rianṭuan tu kan pa le Si-An-Ep thangchiat hi ngol cang hna usih tiah kei tarpa nih kan sawm hna. (Pu Thang Hlun, USA).Credit-Saya Rung Kaw