Tutan Myanmar Idol Season 4 zuamnak cu vawleipi huap in a lar ngaingai i, aho cio poh nih theih le zoh cio an si. Atulio kan online media chinchin ahcun a lar ngaingaimi le a hung linsa ngaimi asi. Cun aho cio poh nih ttanh hleimi kan rak ngei cio hna. A ttha ngaimi asi ko. Asinain na ttanhmi nu or pa caah huatnak phurtu si hrimhrim hlah ci. Na biachim holhrel ttha lomi pakhat nih na ttanhmi nu or pa caah thilttha lo taktak a chuahpi ti kha rak theih.

Nizaan Top 7 pawl zuamnak an thok hlante ah kan far nu Esther Dawt Chin Sung nih cun kawlram lemcang minthang Thet Mon Myint nih amah kong a chimmi fianternak a tuah i, Thet Mon Myint biachim holhrel daithlan ruangah Esther nih vote tampi a sung i, mipi cheukhat nih an huat phah. Cu tikah mipi tampi nih Thet Mon Myint rungah an huat phah i Esther nih cun Thet Myon Myint zong mipi pakhat asi ve ruangah mipi pawl cu theihthiam dingin chim fiannak a tuah piak.

Aho cio poh nih kan theih dingmi cu mi pakhat na ttanh asi zongah nangmah ttanh tein ttanh kha izuam. Midang ka hnursuang sual hna maw, ka ttanhmi minu or mipa caah chiatnak chuahpitu ka si sual maw? ti kha biatak tein i ruat. Nangmah pakhat ttanhthiam lo ruangah le biachim thiam lo ruangah Idol na ttanhmi minu or mipa kha a vote na zuh ti philh hlah.

Cucaah ka chim ttheo tawn, anih cu Hakha, Thantlang, Falam ee timi lungput kha rak kal taak rih. Kha lungput na ngeihmi nih khan midang ruahnak a hrawh hleiah buainak chuahtu asi. Lungput ttha lo taktak asi. Kamkhat lei cun ahman zong ahman ve ko na ttanh awk zong asi ve ko kho men nain, kha lungput na ngeih sual ahcun midang sintu ah biachim holhrel i ralring. A tangah nizaan asakmi hla ngaih khawh asi.

https://www.youtube.com/watch?v=OlfhoUpxoY8