Khah! Hihi Ṭha Tein Rak Zoh Ve Tuah! Pu Zo Bawi Nih Fiang Tein  A Chim Ve Cang Hih

Hakha vawlei chuhnak kong ah cozah lei an riantuan ning a fel lonak kong Pu Zo Bawi nih fiang tein a chim. Aluan cia July 10 ah Pu Zo Bawi cu keimah le Chin Ethnic Peasant Group in upa pahnih he a office ah kan va ton.

Ka thawh i “Hluttaw Chiarman, vawlei chuhnak kong le inn ttheh ding kong ah hin fak deuh in khua nan ruah a hau. Zeicahtiah a tu i vawlei nan chuh mi hna hi an pupa chan in a dotdot in ro an co mi zong a um, a ngeitu sin ah a cawk in rak cawk mi vawlei ngei mi hna zong an um, pawcawmnak caah dum le nga khur a tuah i a tuan mi zong an um. Cun a tu i in a sa thar mi pawl hi an ngeihchiah hlei in an sak mi a si lo, harlefe tein an sak ve mi a si caah ttheh piak lo in lam dang in tawlrel than ah a tha lai” ka ti.

Pu Zo Bawi nih cun a ka thawh ve i ” A si kho lo. Lai mi hi phung lo le phai lo in mah duh poh in ka nunnak caan a sau tuk cang i rengh a hau cang. တရားဥပဒီစိုးမိုးေရး tuah a hau cang” tiah a’ka leh. Ka thawh than i “တရားဥပဒစိုးမိုးေရ na ti ahcun zeiruang ah dah a hnu bik 2019 March i chuah mi ေျမသိန္းဥပေဒ (vawlei chuhnak upadi) ning in nan tuah kun lo. Vawlei ngeitu, dum ngeitu hna zong voi khat hmanh nan ton bal ttung hna lo. Atu ah vawlei ngeitu pawl nih an duhnak cu an dum le an vawlei hi mipi caah cheuthum cheu hnih pek an sian, anmah nih cheukhat an i lak cun a za an ti.

Sihmanhselaw khua le ram caah zeitin dah rian kan tuan tti hna lai, mipi caah hi vial pe ulaw nannih hi vial co ve uh tiah cozah lei nih ton le biaruahnak zong a um lo. Hihi upadi ning a si lo” ka ti. A ka leh mi cu “Kanmah cozah nih ညွိႏႈိင္းေရးေကာ္မတီ tha tein kan tuah ko. Asinain atu bantuk i vawlei ngeitu an ton hna lo mi hi cu Committee pawl an riantuan ning fel lo a si (ေကာ္မတီအားနည္းခ်က္) a si ko” tiah a ka leh.

Cuti a si ahcun atu in vawlei ngeitu pawl he i tong than ulaw a ttha lai, zeicatiah vawlei ngeitu pawl zong nih khua le ram thanchonak caah cun pek awk a herh mi vial cu pek an sian ko. Asinain tonnak zong um lo in ေလ်ာ္ေျကး zong pek lo in an vawlei dihlak nawl ngeihnak in nan chuh mi hna hi an duh lo. Cucacun Committee pawl nih vawlei ngeitu pawl he i tong than hna selaw a tha lai’ ka ti i a kan chuah taak, a kan kal tak. A ho ruang ahdah buainak a chuah ti cu a fiang ko. A ho santlaih lo dah si, a ho upadi zulh lo dah si ti cu afiang ko.
Credit-Salai Benjamin