Kan thinhunnak a langh bal lo ahcun, zeitluk kan ziachiat zongah mittha kan si ko! Tukum zong US rampi nih biapi taktak ah an chiahmi State of the Union Address cu an lim tthan cang. Donald Trump hi US ram tuanbia ah, president sinak in phuah ding i biaceih cuahmah liopi ah hi bantuk state of the union address a tuahtu president a pahnihnak lawng a si.

US President sinak in phuah le phuah lo ding biachahnak thaizing i tuah ding a si cang caah, Democrats lei pawl fak nawn in a biachim chungah a khawih verh pah len te hna lai tiah ka ruah nain a biachim aa dawh, a ttha tuk tiah kei nihcun ka ti. Hi program chungah a zohchia ngaimi thil pathum ka hmuh i cu te cu, kan nih zong nih hrial cio u sih, ti ka duh caah a tawinak in ka langhter duak lai:

1. Democrats lei lutlai Nancy Pelosi nih a kut tlaih a timh nain Donald Trump nih tlaih loin a mer taak. A mer taak hramhram a si le a hmuh lo sual ruang a si cu amah Trump le Pathian lawng nih an hngalh lai. A zei bantuk a si zongah Pelosi nihcun tlaih duh hramhram ah a ruah, timi cu fiang tein hmuh khawh a si. A zohchia pah khah!

2. Nancy Pelosi nih president Donald Trump sawmnak ningcang lo pi in a tuah. Hi bantuk sate of the Union address caan ahhin Congress member hna, upat a tlakmi le a sunglawi tukmi US President nan sin ah hun ratpinak caan ka hmu tiah ropui ngai in sawm ding a simi kha ropui lo taktak in “u le nau hna, US President” ti lawng in a chim piak sawhsawh. A zohchia ngaingai khah!

3. Nancy Pelosi nih Trump biachim a dih sin ah, Donald Trump nih a biachim mi catlap in a pekmi cu zapi hmai ah a thleh dih. Kha kha cu a zeiti fianter awk hlei zong um loin, US rampi hruaitu pakhat dirhmun in a zohchia taktakmi a si cang.

Khah chungkhar hruaitu nu le va kan si zongah khrihfabu hruaitu pastor le khrihfa upa kan si zongah, khuapi hruaitu khuabawi le tlangpi kan si zongah, rampi hruaitu kan si zongah, hruaitu a simi poh caah a zohchia bikmi cu – rianttuanti hawi he i rem lo, i hmuh thiam lo, le i dohkalh hi a si tihi nizan ah fiangte in US hruaitu hna nun ah kan hmuh khawhmi a si. Zeitik hmanh ah aho sin hmanh na thinhunnak langhter bal hlah law zeitluk mi thintawi na si zongah mi ttha ti na si ko lai! Credit: Hrambik Lian

Thawngpang dang rak rel chih. Australia Ah Chin National Day A Hlunghlai Lai . A ra laimi Febuary 15 ah kum 72nak Chin Miphunpi Ni cu Australia ram South Australia khuapi a si mi Adelaide zong ah hlunghlai taktak in an tuah lai tiah kan theih. Tutan Chin National Day tuah tikah hlasa tu ding hna cu Kawlram lei in atu lio Rapper minthang Pa Ling le New Zealand lei in Leng Van Hlei Sung an sawm hna. A hlunghlai lai hih. CBN News