Khah! Hi Hla Hi Rak Ngai Ve Tuah Laimi Kan Sining Te Bak A Hun Phuan Cang Hi A Hman Khawhning Cu (Video)

Hi ka hun ngaih cu ka nichuak tuk. Zeihme a ruahnak si hnga tiah ka ruah. Ahnu ah kan hun i fiang mi caan upatnak kongah a si tiah a phi ka chuah. Hihi capo nihchuak sawhsawh a lo ngai nain a hman taktak mi asi. Laimi nih kan ton lengmang mi asi. Kanmah nih Caan uk kan timh i, kan daithlang, pumh kan tlai, zarkhat ah voikhat te asi ko nain, a caan hman tein kan kal kho bal lo.

Miraang hi zohchun awk tlak bak an si. Caan an upat taktak, an timi cu Time Is Money tiah an ti. A sullam cu minute pakhatte zong tlai an duh lo i, a caan hman tein rian a ttuanmi an sinak a lang. Kannih Laimi cu meeting zong i hngah kan hau. Pumh caan zongah i hngah kan hau. Pumh lioah biaruah kan hmang ngaingai. Thawngtthachimtu pa nih a chimmi zong kan i fiang set lo i, pumh ttin in kan phunzai tthan.

Caan zong kan hun chim ahcun thinlung ah a langmi cu Mobile phone hi asi lengmang ttheu. Zaantlaipi tiang Mobile kan bih kan zoh lengmang ruangah ih caan tiang kan thei lo i, zingka ah a caan te kan tho kho ti lo. Cucaah kan thawh tlai i, kan caan vialte kan tlorhnak asi. Tutan i video a vun tuahtu pa hi upat awk tlak ngaingai asi. Chan he kan tonmi le kan hmanmi te bak a hun chim phuan. Naite zongah hiti bantuk in a tuahmi a um bak cang. Share in thazaang rak pe ve teh.