Khah Hi Cabia Tawi Na Rel Hnu Cun Holh Theihlo Kongah Na Buai Ti Lai Lo, A Fiang Taktak

Theihtlei

Creek holh in, “Glossolalia” timi hi biafang pahnih fonh mi a si i, “glossa” timi le “ Lalia” timi hi an si i, “glossa” cu mirang biafang in “tongue” tinak a si i, Lai biafang cun, “Lei” tinak a si. “Lalia” timi hi mirang biafang in “speaking” tinak a si i, Lai biafang cun, “holh” a si hnga. Cucaah, Greek biafang in “glossolalia” cu mirang in “speaking in tongue” tiah an leh i, mirang in an lehning tein, Lai in leh ve tthan ahcun, “lei in holh” tinak a si hnga.

Image result for holh theih lo

Greek biafang ah “glossolalia” timi hi zeibantuk khidah “glossolalia” tiah an ti ti ahcun, “lei” kha mahnih “control” loin or itheih loin amah cawlcang in a cawlcang i, aw a chuakmi khi, “Glossolalia” tiah an ti. Itheih bu tein, kan “Lei” kan cang i, holhmi khi a si lo. Amahte in lei kha a cawlcang i, zeidah ka chim ti hngalh loin holh thluahmah khi “glossolalia/speaking in tongue“ timi cu a si. Supernatural entity in a chuakmi thil a si an ti.

Image result for holh theih lo

Von fianter chin ahcun, holh/ speak timi hi Greek biafang in “mila” ti a si i, anmah Greek holh in biachim or catial tbk ahhin “glossa/lei” hi telh chih a herhmi a si ve lo. Asinain lai Bible ah “holh theih lo” tiah a lehmi “glossolalia” biafang ahhin “glossa/ Lei” an telhnak a ruang cu, minung/ Nangmah/Keimah nih holhmi si loin, lei/ tongue/ glossa te lawng in holhmi a si ruang ah, “ Lei in holh” tiah a sining tein an ttial hi si dawh bik a si. Ref: Britanica ah an lehning in ka von thai ta duak ve.. Credit: Zasang Cinzah

Leave a Reply