Hakha thawngpang- Hakha ah Mandalay in a rak tlungmi motor mawng minung pahnih sin in December 7, 2020 ah Covid-19 Positive an hmuh chap hna tiah theih thawng kan theih. An hmuhmi hna hi upa le mino an si hna tiah theih a si fawn.

Tutan i COVID-19 Positive an hmuhmi hna cu pakhat hi Monyua ah khuasa mi a si i kum 50 tluk upa a si i mah hi thil phormi mawṭaw mawngtu a si. Cun, pakhat deuh hi Kalaymyo ah khuasa mi a si i kum 19 tluk a si i anih hi thil phormi mawṭaw zulmi a si. An pahnih tein Mandalay in a rak tlungmi an si tiah theih a si.

Hakha check gate ah an check hna i atu bantukin zawtnak an hmuh hna hi a si. Cun,COVID-19 Positive an hmuhmi hna pahnih he aa neihniammi minung hna cu an check hna i Negative an si hna. Atu hi Hakha University FQ Center ah an um lio a si.

Hakha khuachung ah Covid-19 hrik a ngeimi hi an dihlak in minung 19 an si i minung 11 nih damnak tling an hmuh cang. Minung (8) tu hi zohkhenhnak le thlopbulnak siizung ah an thlopbul cuahmah hna lio a si tiah kan theih. Chirhchan: The Chinland Post & IPRD Hakha

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin