Khah! Gen. Min Aung Hlaing Kongah Laipa Pakhat Nih A Ṭialmi Hi Zeitindah Chinmi Nih Kan Ruah Cio Kan Caah Ṭhatnak Maw A Si Hnga Chiatnak Dah A Si Hnga Rak Zoh Ve Tuah Ruah Phu Bak A Si

2021 President Ah Gen. Min Aung Hlaing A Chuak Te Hnga Maw? “2020 Election ah NLD nih Landslide in teinak kan hmuh hrimhrim a hau” tiah NLD Baho Committee nih an phuan. Cun midang party he komh in cozah ser Coalition Gov. zong asi kho lo tiah NLD Upa kaa chung in a chuak micu kan khuaruah ahar cio ko. NLD nih 2020 election ah Landslide in teinak kan hmuh hrimhrim aherh anti mihi ruahawk tampi a um. Kan theih bantukin Election zong a nai cuajmah, kumkhat le thlakhat lawng aa duh cang tikah party ngan pawl nih cun teinak hmuh khawhnak ding caah khua an khan cio hna. NLD nih party dang he i funh an duh lo lio ah USDP nih cun Ralkap he siseh a dang patty pawl he i funhnak lai kong cu fak deuh in an chim ve chinchin cang.

2020 election a kalning kan zoh ahcun USDP caah ruahchannak tampi an ngei ve kan ti khawh. USDP caah landslide in teinak hmuh an herh lem lo. Union hlutdaw ah mee tampi an herh lo Hlutdaw pahnih ah 26% an hmuh khawh ahcun Ralkap 25% he an i funh lai i cozah an ser khawh cang lai. NLD nihcun cozah ser khawhnak ding caah 60 in 70% a hmuh a hau. 2015 election lio bantukin NLD nih landslide in teinak a hmuh tthan a hau tinak asi. Cucaahcun NLD nih 2020 ah landdlide in teinak kan hmuh hrimhrim a hau an tinak hi asi lai dah.2015 election result bantuk in atu hlutdaw sining kan zoh tik ah NLD 59% Tlangcungmi party 9% USDP 6% le Ralkap 25% in hmun an lak cio. Kan ruah awk asimicu 2020 election ah USDP nih 2015 lio bantuk in 6% lawng maw an hmuh rih lai cusiloah a karh ve lai dah.

2015 election ahcun Tlangcungmi party 9% an dihlak NLD he an rak i funh dih. 2020 election ah teh NLD le Tlangcungmi Party hi zeidah an lawh te hnga. Atu thil sining zoh ahcun Tlangcungmi le NLD karlak ah i hmuhthiam lonak tete le mah miphun ttanhnak aum cang caah a hlan bantukin NLD nih Tlangcungmi sinah MP a hmu kho ti lai locu a fiang pah ko. USDP zong hi a hlannak tam deuh in seat an hmuh khawh men cang. Cucaah NLD nih atu adir hmun MP 59% hi 2020 ah a hmuh tthan khawh ding cu ahar ve ngai lai.

2020 election ah USDP nih Hoikom dang party he funh in 26% an hmuh ahcun ralkap 25% he cozah an serlai i Gen. Min Aung Hlaing cu President ah a chuak khawh cang lai tinak asi. Phunghrampi ah President cu Hlutdaw deligate nih thiam asi. Pituh hlutdaw in an thiammi Vice President, Amyotha Hlutdaw in thimmi Vice President le Ralkap in thimmi Vice Predident chungin Union Hlutdaw nih President thim asi ko caah USDP le a hoikom nih 26% an hmuh ahcun ralkap 25% vote in Gen. Min Aung Hlaing cu President ah a chuak lai ticu zaa ah zaa in a fiang ko. (Min Aung Hlaing cu President tuan na duh maw tiah media nih an rak hal lio ah ka ttuan lailo tiah a tilo caah President ttuan a duh tinak asi)

Mah caahcun NLD nih 2020 election ah landslide in teinak kan hmuh hrimhrim a herh an tinak hi asi. 2015 election lio bantuk in NLD nih landslide in teinak a hmuh khawh ti lo ahcun GEN. MIN AUNG HLAING cu President asi hrimhrim lai.

NOTE.(ႏုိင္ငံေရးသုံးသပ္ျခင္း) Zeicaahdah NLD nih Tlangcungmi Party he funh in cozah ser a duh hnga lo. Min Aung Hlaing President sisehlaw Tlangcungmi caah tthatnak maw asi lai chiatnak dah (Ka peh tthan te lai) Credit: Jacob R. Thang