Ṭanh Dan Le Ṭan Dan Kan Thiam A Herh: Esther le Benjamin ah hin a ho dah kan uar deuh? a ho dah kan ṭanh deuh? a ho dah kan fak deuh? a ho fans dah kan si? ka zumh ning ah cun, Halkha lei in 90%100 hi Esther fans kan si lai i, 10%100 hi Benjamin fans kan si ka zumh. Falam lei in 90%100 hi Benjamin fans kan si lai i, 10%100 hi Esther fans kan si ka zumh, Chin miphun vialte hna lak ah Halkha le Falam hi Laimi aa timi kan si lawng hmanh si loin Laimi kan si, cu a si caah cun ṭanh dan le ṭan dan hi kan thiam a herh ngai mi a si.

Pakhat kan uar deuh ruangah pakhat kha kan huat ding a si hlei lo, pakhat kan ṭanh deuh ruangah pakhat kha kan hnahchuah ding a si hlei lo, pakhat kan fak ruangah pakhat kha kan soisel ding a si hlei lo, kan uar deuh mi kha lung thiang tein kan uar ding a si i, kan ṭanh deuh mi kha lung thiang tein kan ṭanh ding a si, kan uar deuh mi le kan ṭanh deuh mi kan fak tik zongah kan uar lo deuh mi le kan ṭanh lo deuh mi kha kan soisel ding a si hlei lo i, kan uar deuh mi le kan ṭanh deuh mi kha lung thiang tein kan uar ding le kan ṭanh ding a si ko.

Esther le Bejamin thinlung put ning hi zoh hna usih law an nih pahnih nih cun nang Halkha e nang Falam e an i ti ve lo, lung thiang tein Ṭa-Far bantuk tein an i daw i an i tlaihchan anmah pahnih thinlung put ning bantuk hi an fans pawl zong kan thinlung put ning a si ve awk a si, dawtnak nih lungrualnak a chuahter i, lungrualnak nih ṭhanchonak a chuahter, ṭan rual cu ṭhawnnak le teinak hmuhnak a si. H. Bawitumthang- Thangte

Relchih. Kan Chin miphun nih ralrin taktak kan herh cang: Kan unau kan kawh auhnak hna hi a dih dongh tiang ca in ruah a hau. Rammisinak kan sok bak in kan social media ‘Facebook Lai mi nih kan hman bik mi hi fak tuk in kan Cozah nih an zoh i an kherhhlai cang. Minung tampi Laica tein innchungkhar kong a tial mi zong hmuh le tleih an si cang.

RALRIN a herh mi; 1. Zung na rak luhnak na nu le pa silo unau sinak he ai peihtlai lo mi kha FB cungah peihtlehnak langhter hrimhrim hlah. 2. Na Facebook kha zei ti min in na hman zong ah na hmantlak he an zoh tti tikah an in thei hrimhrim lai. Cucaah, Laica tein ka tial ko ti hrimhrim hlah. Ralrin te tu in um peng a hau. 3. Mi kawh auhnak ah na sining in i thei peng.Hnuhmai ruat buin mi auhnak zong hi tuah uh. 4. Rammisinak a la cang mi zong hna ngam tuk in um ding a si lo. Na unau a visa an thihter ahcun nangmah rammisinak zong a him ve lo.

5. Na FB account ah na unau min tar mi siseh, a nu le pa a thih ter mi hna zong nih na nu le pa kong langhter hrimhrim ti hlah. Tha tein zoh uh law check cikcek dih colh uh. Hloh awk a tha mi cu hloh colh uh. Note: Kan miphun kan him ti lo. Kan dih lak in fak piin lung fim kan hau. Ralrin zong kan herh chin lengmang cang. Nan Community cio zong ah fak piin rak chim cio hna uh. Credit: Sang Hre