Uico hmanh nih an iseh lio ah zawng (monkey) an hmuh ahcun an i ngol, zawng an dawi tti timi Laimi pupa bia aum : Myanmar Idol season 4 zuamnak adih cang. Benjamin Sum le Esther Dawt Chin Sung ttanhtu ( fans) pawl Falam le Hakha ti bantuk pakhat le pakhat bia al nak-soiselnak comment tthalo chim ding asi tilo . Yawkee , Esther , Benjamin, Tan Khun Kyaw caah lungkhat ten dir ti caan si cang. Kawlram ah Kawlmi hla sak thiam – minthang tampi an um ve hna , cuvialte lak ah Laimi tlawm te lawng kan um rih , an hnu lei in dirkamh tu kan si aherh cang. Benjamin le Esther soisel caan si ti lo. Vote pek caan zong adih cang. Lomhpi nak le ruahnak pek ding lawng chim ding a si cang. Soisel nak cu hrial ah atha bik.

Kawl nih an kan soisel hmanh ah zeiti awk thalo. Benjamin attha deuh ee , Esther athiam deuh ee ti len ding asi fawn lo. Kawlmi lak ah Laimi kan min atthat nak ding ah kan zapi nih bawm cio hna usih. Lai Media catial pawl zong nih atha mi lawng tial cang uh. Laimi phun nan dawt tak tak ahcun Soiselnak achuah ter tu ca thalo tial hlah uh.

Uico hmanh , an iseh lio ah zawng an hmuh ahcun an iseh tilo i, zawng cu an dawi tti timi pupa chim kem bia in tahchunhnak ka chim duhnak aruang aum. Benjamin le Esther ruang ah Hakha le Falam ( Fans pawl) iseh len awk aum tilo. comment chia tial zong aherh tilo. Chin-Laimi hi kan mah le kan mah tei icuh silo in , a ttanh tu in, kan miphun hi ttanh ve cang tuah hna usih. kawlmi sin ah teinak an hmuh ding abiapi deuh. Cucu kan i zuam ding mi si deuh. Kan dihlak nih kan bawm hna awk si.

Keimah zong katu nu Esther lawng ka bawmh mi asilo, Benjamin Fan zong ka si ve ko, Yawkee fan zong ka si. Tai Khun Kyaw fan zong ka si. Benjamin an soisel zong ka duhlo , Yawkee an soisel zong ka duhlo. Kawl media nih laimi cung ah soiselnak an tial mi ka hmuh ah ka lung fak. Yawkee le Benjamin nih hla an sak ah an palh sual lai, hmual an pho sual lai ti ka phang , Laimi cio cio ka ttanh hna ruang ah asi. Cu bantuk thinlung cu kan ngeih cio awk si.

Pupa phungthluk ah ” unau rual thu rual remlo cu paam nak , khua khat thu rual rem lo tio nak an ti ”
Asuallam cu chungkhar unau rual i remlo-dawtlo ahcun sifahnak – harsat nak a si an ti, cuve bantuk in , khua pakhat ah pakhat le pakhat i dohnak- huatnak aum ahcun khuami an lo tlau- an tio dih ti si. Cuve bantuk in , Laimi pakhat le pakhat kan i doh – kan isoisel zungzal ahcun kan sifahnak le kan harnak aphan lai, kan i doh- kan i huat ahcun kan lo tlau ve ko lai. Kawl mi lak ah kan hmual apho sual lai i , sunghnak a si lai.

Pupa phungthluk ah Mi pakhat thawng , saa pakhat thawng ti si (asuallam cu mirum- milian nih sa an thah tik ah misifah le miharsa zong sa kan ei kho ve tinak si)Chim duhmi cu Mi pakhat bochan tlak minung aum ahcun kan zapi caah miak nak thil aum ve ) timi suallam si. Benjamin, Esther, Yawkee, Tankyun kyaw nih Myanmar Idol ah teinak an hmuh ruang ah laimi- Chin mi kan hmai hngal ve. Minthat nak kan co ve. Laimi nih ttha ten ruat cio uh ti kan duh hna. Credit: Ral Eng Khenglawt