Esther Dawt Chin Sung, Benjamin Sum le Yaw Kee an i zuam cang lai, thazaang pek in vote he dirpi rih hna usih. Tutan an i zuamnak ah teinak an hmuh khawhhnak hnga nangmah le keimah zong kan biapi tuk ve. A tanglei ah vote pek ning kongah fiang tein kan rak langhter.

 

Myanmar Idol Season 4 zuamnak top finalists hna cu tuzan October 31, Myanmar suimilam 9:00 ah an thawk cang lai. Myanmar Idol official page le Youtube Channel ah live an thlah lai. Cun, vote pek caan hi zan suimilam 11:00pm in vote pek a si lai.

Kan chim bantukin vote pek caan hi October 31, zan suimilam 11:00pm in November nikhat zanlei suimilam 6:00pm tiang lawng pek khawh a si lai caah nangmah na vote nangmah pakhat vote a biapi taktak. Minung pakhat nih voinga tiang pek khawh a sinain simcard tu panga na ngeih hau ve. Vote pek khawhnak ding cu MPT, Ooredoo le Mytel simcard lawngin vote pek khawh a si lai.

Voikhat na vote ah khin Kawlram phaisa in 30 na dih lai i, voinga na vote ahcun 150 na dih lai. Vote peng ning: Esther Dawt Chin Sung vote peknak number hi 77708, Benjamin Sum vote peknak number cu 77702 le Yaw Kee vote peknak number cu 77701 an si. Cun, Mobile banking le online zongah vote pek khawh dingin Myanmar Idol page ah an langhter te lai. Ramdang zongin vote pek khawh si lai nain, zeibantuk ah dah pek khawh a si lai timi bel an langhter rih lo. A hnu ah thanh tthan khawh kan rak zuam te lai.

Note: Kan theih dingmi cu vote pek na duh ahcun mah kan rak thlahmi Facebook ah comment ah anmah vote peknak number ttial in comment na rak ttialmi khi a dik lo i, an nawlngeitu nih an cohlang fawng lo. Phone in Message vote peknak number le na pek zah kha na kuat lai. Mah lawng co cohlanpiak na si lai.