Khah Chin Pasal Tha Tial Cung Thang Cu Minthar Bak An Pek Cang: Kan theih bantukin tuzan ah Chin pasal ttha Tial Cung Thang cu One championship nih tuah mi Malaysia ah Korean pa he an i thong i Tial Cung Thang nih a tei caah mipi kan i lawmtuk cio hna. Hi bantukin kanmah Laimi/Chinmi chung in vawlei pi theih theih tiangin teinak le mintthatnak a hmutu Tial Cung Thang hi lawmhpi lo awl hrimhrim a ttha lo.

Hi kong he pehtlaiin Aung La Nsang zong nih a chim mi cu teinak hmu dingah Malaysia kan phan, Malaysia cu Kawlram mi tampi zong nih nan kan zoh lai timi ka zumh. Zoh lai ka ngaituk tiah a Facebook ah a langhter. Cu a langhter bantuk tein tuzan ah kan upa Tial Cung Thang nih teinak a hmuh taktak.

Tial Cung Thang nih teinak a hmuh mi kongah kan pa pakhat simi Agust Hrang HChin nih a chim mi hi ruah lo awk ttha hrim lo. A dik mi zong si fawn: Laimi cakei Tial cung Thang nih teinak ahmuh. Pasal aitimi cu, mahbantuk hi ansi. Miphun pakhat chunglawng ah, cakei sihna hicu, atlam tling khodeuh lo. Pathian nih teinak tha le zaang apek mi,Tialcungthang hi thangtthat atlak i Upat zong atlak. Hmai leiah, Lai miphun acawithlir tule, hmai ahngal tertu sihram koseh tiin thlazaa campiak cio hna usih. Lai pasal ttha Tial Cung Thang teinak na hmuh caah na miphun nih kan in lomhpi.

Cu lawng hmanh si loin Salai Lungthli Tum zong nih Tial Cung Thang a thangtthatnak le a conglawmhnak cu ti hin a chim ve: Tial Cung Thang hi cakei lungput a ngeimi Lai pasal a si. Tei a ma tuk caah nikhat ah cun ai tinhmi world champion a si te hrimhrim lai. A dirhkamhtu Aungla le Nguyen cung ah lawmh awk ngai a si. Salai Lungthli Tum.