Khah! Bochanmi Salai Zasang Cinzah Nih Fiang Taktak In A Hun Chim Cang Hih

Federal Status le Chin Politics: Tulio CNLD (Chin Party) nih biatak tein mipi soilemnak/campaign an tuah i a ttha ngai. Asinain CNLD supporters pawl nih CNLD/Chin Party lawng nih federal ramkulh an kan serpiak khawh lai tiah an von aukhaung mi belte cu “tahchuak” an si. Chai le ttualttang in nengpi/zauk an pelmi bantuk ka lawhter hna i zaangfak taktak an si. Politics lei knowledge/education hi kan pale a hngal/thiammi nih tam deuh piin nan kan cawnpiak rih a herh ngai tiah ka ruah.

Chin State hi Federal state/ramkulh ah ser khawhnak ding hi 2008 phunghrampi he aa pehtlaihmi a si caah mah 2008 phunghrampi thlen hi zeitluk indah a har timi cu amah 2008 phunghrampi lila ah fektuk in an ttial. Cucaah, Kawlram thlennak caah fimnak lawng siloin thazaang le hriamnam hrim in a cawlcanghmi kan pale nih 2008 phunghrampi cu parliament in thlen khawh a si lai lo caah a leng/ outside Parliament lawng in tlam a tling kho lai tiah tulio “Peace Process” tiah a kal cuahmahmi hi a si. Cucaah, tulio Myanmar politics dirhmung ning incun, Chin State hi Federal ramkulh ah thlen khawhnak ding ahcun “Peace Process” lawng hi ruahchanhnak a um rih.

Election ah a Lutmi Chin Parties/ CNLD nih zeidah an tuah khawh?

Election ah a lutmi parties tete/ CNLD tbk hna hi teitu si hna sehlaw Chin State ah an tuah khawhmi cu “development” lawng hi a si. 2008 phunghrampi nih a awnhmi/ri chung ah ram thangchonak tete hi an ttuan khawh. A fawinak in chim ahcun tulio Chin ramkulh NLD cozah an ttuanmi le hma an lakmi projects tete hi an tuah hnga dingmi/ an ttuan hnga dingmi an rian a si. Cucaah, Chin Parties le a Supporter nih an aupi awk a simi slogan cu “NLD cu rianttuan an thiam lo, an ifit lo, a ttuan zia zong an thiam lo. An corrupted tbk” pawl tete NLD an weakness kha fakpi in an langhter awk a si hnga i, anmah kha NLD nakin a fit deuhmi le a thiam deuhmi le a fel deuhmi an sinak kha mipi thinlung lak khawh dingin an chim awk a si. Mahhi an central message a si awk a si.

Asinain CNLD/Chin Parties nih office an awn ri in nihin ni tiang an campaign message ka zoh hna tikah NLD an weakness an langhter kho lo. NLD cozah an corrupt nak zong an langhter kho lo. Corruption kong hrimhrim ahcun an hmur an icip. Hmailei ah kan corrupt kho sual lai lo tiah corruption kong hrim a hrialmi ko khi an lo.

Cucaah a hlankan te khan 2020 ahcun Chin Party hi support cio usihlaw zikhnawh, ei ruk le riantuannak ahhin NLD nakin an fel deuh lai maw tiah ram chung ah upa tampi ruahnak ka hal hna i, ka hal khawhmi paoh nih an ka lehmi cu, “nemmam” an ka ti. “Chin Parties nih teinak hmu hna sehlaw NLD chim lo, USDP nakin an zual lai” tiah an ka leh. Cu tluk in riantuannak ah ram chung upa zeimaw nih an zum hna lo. Cucaah, Chin Parties le supporters pawl sinah biacah ka duhmi hna cu:- tulio Chin State ah a ummi zikhnawk/eiruk a ummi kong hi evedence he fakpi in nan aupi a herh i, Cozah nan ser khawh ahcun dinfelnak le phunglam fek he rian nan tuan dingmi kong hi zumh khawh dingin nan aupi lawng ah nan bia kha hmual a ngei lai. Cu lo ahcun, nan dih! Credit: Zasang Cinzah