Atu lio ah vawleipi nih a buaipimi le aho nih dah teinak a hmuh lai tiah an cuanh cuahmahmi Gambia nih Kawlrampi taza a cuainak kongah Laimi-Chinmi kan lungput le kan sining  miphun le ram caah rianttuantu kan pale minung pathum Salai Ceu Bik Thawng, Zo Tum Hmung le Dr. Ngun Cung Lian nih anmah le an hmuhning an chimmi rak rel ve hmanh! Tutan ah ICJ i Gambia le Kawlram taza i cuainak zeitindah na hmuh ve ning a si rak chim ve tuah?

Salai Ceu Bik Thawng: Ka lung rawk ti hlei in biafang dang hman ding ka neilo. Kawl cozah riantuan deuh hna an si kho men ka hei ti, kaa hnem. Kan Baibal nih a kan cawnpiakmi dinnak a kawlmi miphun tu si ko hna usih.
Zo Tum Hmung: Europe um Chin miphun hna sinah- ICJ kongah Kawlram cozah dirhkamh leiin a ttang hnikmi Chin miphun an um men lai tiah thawngpang a leng. Cah kan duh hna: Zeitindah Europe ram kan phak, ti kha philh hlah uh.

Dr. Ngun Cung Lian : A Za Tawk in Mawlh le Hrut A Tha. Gambia nih Myanmar ICJ ah Taza an cuai. Zeiruang ah? Rohingia pawl kong ah Genocide Convention Article 2 le 3 nan zulh lo ti a si. Gambia nih Myanmar ICJ Taza an cuai tikah Kawl Ralkap si seh, Kawl Acozah si seh, Tlangcung mi pawl cung ah Sualnak an tuah mi kong an telh lo. Rohingya kong lawng a si.

Asinain, Gambia lei nih ICJ Statutes le Rules of Court hmang in Kawlram kha ICJ nih sual phawt ding le A herh ah cun, UN Organs pawl hma lak awk ah an nawl. Kawlram ai awh tu DASSK nih Genocide Convention kan buar ko. Genocide Convetion kan buar lo. Zei ka chimh lai a tu ni tiang a chimh bal lo. Kawlram ai awh tu DASSK nih ICJ Statute 31 le 41 ning in Gambia lei nih ICJ Judges pawl sin ah an nawl mi hi, ka pomh lai. Ka pom kho lo a chimh lo. Hi ban tuk i, A rang lai maw A sen lai dik? Anak lai maw? A hring lai dih? Zei hmanh theih kho lo mi dir hmun ah.

DASSK kan dirh pi ti mi hi cu, Mit caw rul tlaih a si. Genocide Convention kong theih lo a si. ICJ Statutes kong theih lo a si. ICJ Rules of Court kong theih lo a si. DASSK nih tu ni zan lei ah Genocide Convention Article 2 le 3 Kan buar ko tiah ti sual seh law? Rohingya pawl cung ah Genocide Kan tuah ko tiah na dir pi lai maw? DASSK nih tu ni zan lei ah ICJ Statute Article (31 le 41) le Rules of Court 73, 74 and 75 pawl hi ka pomh tiah, Provisional Measures pawl hi ka pomh lai tiah ti sual seh law, Ara lai mi le a ra kho mi thil tampi kong ah Na dir pi peng lai maw?

Angai te ti ah cun Rohingya ti mi cu, Kawlram a ngeitu Tlangcung Miphun an si lo. Mipem an si. Tutan ICJ ah Taza icuainak hi Kawl Acozah le Tlangcung mi karlak ah Genocide kong Taza i cuainak a si lo. Rohingya tanhtu OIC pawl he Kawl Acozah karlak ah Rohingya pawl cung ah Genocide Convention Kawl Acozah nih an zulh lo timo kong Taza i cuainak a si.

DASSK zei a ruah zong theih lo, DASSK zei a chimh lai zong theih lo, Genocide Convention kong zong theih lo, ICJ Statute zong theih heli lo, ICJ Rules of Court kong zong theih lo, DASSK kan dirh pi tiah thlacam tuk tak le Lamzawh tuktak hi cu Sullam zei hmanh a ngei lo mi thil tuah a si. Mawlh zong ah a za tawk te in Mawlh phung a si i, Hrut zong ah a za tawk te in Hrut phung a si