Khah! Bochan Taktak Mi Dr. Sasa Nih Zeibia Dah A Chim Tuhi A Si Kho Lai Maw? A Si Khawh Ahcun A Ropui Bak Lai Hih Mu

Dr. Sasa: Lailenpi Khuapi Cu Airport Lawng Siloin College Zong Sak A Si Lai. Dr. Sasa cu England ram ah thla khat hrawng rauh in khual a tlawnnak chung ah biaruahnak an ngeihmi tampi a um. Cu chungah abiapi deuhmi lawng langhter kan vun in zuam lai.

1. Chawlehthalnak lei, fimcawnnak lei, ngamdamnak lei pawl cu minung nunnak caah abiapi tuk mi pakhat a si. Cucaah, chan thar he a pehtlaih mi fimcawnnak College cu kan umnak khuapi ah chiah hrimhrim ding ah abiapi tuk hringhran. Fimcawnnak lei college saknak ding caah England ram Top Level ah ai telmi Emmanuel College siangngakchia lawng siloin Professional pawl hi zong biaruahnak kan ngei. Emmanuel College Assembly Hall chung mipi hmai ah ka saduhthahnak vialte ka chim hna i, an lung tho tuk hringhran, tiah Dr. Sasa nih a facebook timeline ah a tarlanghmi cu hmuh a si.

2. Ngandamnak lei riantuannak Chin ramkulh chung ah thazaang a dernak le riantuan a herhnak kong cu England ram hrambunh Health Care tuanvo ngeitu pawl he zong ton biaruahnak kan ngei. England ramchung ah an hmanmi sii-ai pawl cu kan umnak ramkulh, ramchung ah bawmh ding in halnak ka tuah. A rauh hlan ah a tlamtling lai i thahhnemnak tampi a chuah pi lai tiin a zumhnak kong cu a chim.

3. Chin ramkulh chung Lamsul lei pehtlaihnak a chiat tukmi hi zoh sawhsawh loin, hi lamsul lei harsatnak vialte tlam a tling khawhnak ding caah Lailenpi khuapi ah Vanlawng tual cu a ran nak in sak le lim ding zongah ton biaruahnak kan ngei. Lailenpi khuapi vanlawng tual hi tuanvo nawlngeitu pawl a hung ra i kherhlainak an tuahmi a si caah a rauh hlan ah lim le hman khawh a si cang lai, tiah Dr. Sasa nih a chim.

4. Tlangpar ramchung ah lothlo lei lam cu donghter in hmun pakhat ah cinthlak lei lam kawl nak kong zong ton biaruahnak ngeih a si. Lothlo ningcang hi tuak tikah kum khat chung bak lo kan thlo ko nain, kum khat pawcawmnak caah ti le rawl kan hmuh kho lo. Cu lawng siloin pawngkam thingram tampi kan hrawk dih fawn. Cucaah, hmun pakhat ah cinthlaknak lei dum tuah ding ah ton biaruahnak zong kan ngei. Mah bantuk hi tlam a tling khawh ah cun ngandamnak lei, chawlehthalnak lei, pum pawcawmnak lei cu duhsa tete in a tlamtling te lai tiin a zumhnak kong zong a chim.

5. Lailenpi khuapi cu a thangcho taktak mi tlangpar khuapi pakhat siter ka duh. Laileipi myo nih a herhmi Vanlawng tual sak ding, chan thar thilri he a tlamtling mi General Hospital sak ding, vawleicung level fimcawnnak College sak ding, Hydroelectricity Power le ti din ding duhdim tein ngah khawhnak ding caah ton biaruahnak kan ngei.
A cunglei langhtermi timhtuahnak vialte hi minung sining in tuak ahcun a si kho lo. Asinain, Pathian thawngin zeizong vialte a si khawh ko lai tiin zumhnak ka ngei, tiah Dr. Sasa nih a chim.