Tukum Mynmar Idol Season 4 zuamnak cu kan hung dih kho. Zoh an nuam ngaingai azuammi hrimhrim an thiam tuk hna. Chinmi chungin minung pali nih an kan zuamhpiak khawh i lawmh a um tuk hringhrang. Kan nau le an rak men bak lo. A hramthawk tein uar an um i judges pawl hrimhrim nih an uar ngaingai hna. Chinmi a zuami hna chungin Benjamin Sum hringtu a nu a nih Idol a dih hnuah a fapa cungah ailawmhnak bia a chimnak rel khawh a si.

Pi Lal Din Par nih a chimmi cu “Kapa nih pakhatnak laksawng a ngah lo ruangah ngaihchiatnak zeihmanh ka ngei lo ka zaangkhai tuk. Pakhatnak a ngah lo zongah Pathian nih lam a hruai tthiamtthiam ko lai. Cu ruangah ka ngaihchia lo hrimhrim. Ka fapa Ben Ben zong ngaihchia lo dingin ka chimh i na hnu ah Summer pawl ramchung ramleng in an um ko timi theihter ka duh.

“Tuzaan cu zeizong vialte Pathian nih a rem ti caah a si i Pathian min ka thangtthat. Atu dirhmun tiang Pathian lamhruainak ruangah a min ka thangtthat. Ben Ben i a cawlcanghning cu ka diriam ngaingai. Cun, ramchung ramleng i Summer pawl cungah lunglawmhnak tampi ka ngei hmailei zongah Ben Ben hi thazaang rak pe lengmang hram uh tiah chim ka duh.

” A nu ka sinak in Pathian sinah zeizong vialte ka ap i thla ka cam piak. Cun fa dirhmun le pa dirhum ah ka chiahmi a si. Ka sinah siseh hawi le kom cungah siseh a umtuning ka hmuh tikah ka lawm i cu ruangah ka dawt khun. Summer pawl nan ngaihchia hram hlah uh tiah zaangfah kan hal duh hna i hmailei zongah Ben Ben thazaang rak pe hram uh tiah chim ka duh” tiah Benjamin Sum hringtu a nu nih a chim.