Hlasakthiam Benjamin Sum cu Pagu Ramthen Pyay khuapi ah a kal lai tiah theih a si. Pyay khuapi ah Benjamin sum a kalding cu mipi sinah theihter a si cang i mipi zong pawl zong i ngaih taktak tiah theih a si fawn. Zumtu unau nu le pa nih thlacamnak in bawm rih hna usih! Tluang tein a kal i caan zong a hman khawhnak hnga thlacamnak in bawm cio rih ko hna usih!

Benjamin Sum cu Tangkawng 16 le 17 ah thlacam khawmpi hmang dingin Taunggyi khuapi ah a kal hmasa in caan a hmang hmasa lai i nihnih chung Taunggyi ah caan a hmang lai. Hihnu in caan a hman dingmi kong cu fiang tein theih a si rih lo i Pyay khuapi tu cu 2020 tuhla Tawngkawng 23 ah a kal lai tiah theih a si. Pyay khuami zong an i ngaih ngainngai.

Pyay khuapi ahcun nikhat lawng caan a hmang lai i Diamond Palilion nih an thil zuarmi caah mipi lemsawinak caah tiin an sawm ve tiah theih a si. Diamond Palilion tu ah cun nithum chung caan an hmang lai i Pyay khuapi i caan an hman dingmi ah cun hlasakthiam Phyo Myint Aung le Moo Ler hna zong an sawm chih hna ti a si. Asinain caan an hmangning caan tu a dang vial hna. 21 ah Phyo Myint Aung nih ahman lai i 22 ah Moo Ler nih a hman lai i 23 ah Benjamin Sum nih a hman lai.

Hiti caan an hman dih hnuah Benjamin Sum cu Maymyo khuapi leiah hlasa dingin sawm a si tthan i Tangkawng 26 khi dam tein an phak ahcun Maymyo khuapi ah a kal lai tiah theih a si fawn. Hi caan karlak zongah hlasaknak tampi a ngei rih nain a tlang piin theih fian deuhmi tete lawng kan rak tarnak hi a si. Nohawng thlachung ah Mandalay khuapi ah a kal tthan lai.VPW