Hi cabia hi rak rel cio uh. Benjamin Sum hi cu uar a um hringhran ko. A aw hi phundang ngaingai a si i amah aw bantuk hi a ngeimi an um lai lo. Pyinkhonegyi Khua Ah Benjamin Sum Sunglawi taktak in an don lai. Myanmar Idol 4 Season ah Runner Up ngahtu Benjamin Sum cu Sunghno a Nu chuahkehnak le a ṭhanlianhnak Kalaymyo peng Pyinkhonegyi khua i a fans pawl nih sunglawi taktak in donnak an nei lai tiah kan theih.

Hi an don ningcang ding program hi PART ONE le PART TWO tiin a um lai i, PART ONE ahcun biaknak lei tuahning bantukin thlacamnak le Pathian bia he thazaang peknak ngeih a si lai. PART TWO ahcun atutan MMID Season 4 zuamnak i a sakmi hla pawl kha Sound Track he Benjamin Sum nih a sak t’han hna lai.

Don tik ding ni le caan cu: January 7-2020 (Tuesday)zing lei suimilam 8:00am ah program thawk kho dingin timtuahnak neih cuahmah a si. January 5 khi cu MMID winner Esther DCS sawmnak in Halkha City a kal ve lai zumh a si. Cucaah January 6 hrawng ah Kalay kabaw a rak kir kho lai. Benjamin Sum cu Chin mizapi thinlung a ciahneh ngaingaitu a si.

Hlasak aw tuah le umtu cawlcangh a thiam dihmi Pahrang ngei le Chin miphun mint’hattertu Chin Star pakhat a si. Cucaah hi Ca a reltu vialte nih atutan donnak Concert hi rak kan telpi cio u tiah kan in sawm. Credit:Chin Popular News-Chinland Today Media.