Myanmar Idol Top 3 a simi Benjamin Sum nih a fans pawl caah timhtuahnak a ngei nain a chim duh rih lo mipi khuaruahhar in tuah a timh hna tiah theih a si. Benjamin Sum nih a chimmi cu ” Hlathar konglam cu cipciar in ka chim duh rih lo. Zeiruangah dah ti ah cun mipi pawl khuaruahharter le surprise tuah ka timh hna. Cun ka mipi (Summer) pawl ca zongah caan hman ding ka ngei i ka chim cia duh rih lo. Hi zong hi ruah lo piin (surprise) dingin tuah ka duhmi a si. Ka mipi (fans) pawl he tonnak caan le hla thar chuah dingin zong a um” tiah a chim.

A chimm rihmi cu ” Ka sam kong ahcun Idol ka zuam lio nakin a sau deuh cang. Cu ruangah zeitindah ka tuah lai ti cu ka ruat peng ve. Ka sam ruangah mi tampi nih an kan theihphah i ka sam cung zongah ka lawm ngaingai. Cun, Ka sam i meh ding in cun ka mipi pawl nih an duh lo i pakhatkhat cu ka ruah a herh. Atu lio ah cun zuamnak i ka hla pawl lawng ka sak rih lai. Zuamnak kan dih cang bangin hla thar ka tuah cuahmah lio i puai tibantuk caan ah sakding a um. Hla thar chuah dingin ka zuam cuahmah lai. Final i ka laamning cu hla dang he an cawhmi ka hmuh tikah ka lungtling ngaingai. Mipi tuahmi ka hmuh ruangah ka phur ngaingai i zoh zong a nuam ngaingai.

” Kalaymyo ka tlunah khuapi dihlak in an i lawm i hlunghlai taktakin an ka don ka hmuh cu zuam chinchin duhnak ka ngei. Ka hla thar chuak dingmi zongah thinlung dihlak pekin ka zuam chih ve. Zuamnak kan zuam lio ahkhan thinlung khuaruah ning ka rak cawng tuk ve i lenglei ka hun phak cu zeizong vialte a ttha dih. Kalaymyo ka tlung i a hlan nakin ka naak deuh i ka sam zong a tthang. An ka sunlawihning hna cu a sunglawi taktak i ka di zong riam ngaingai. Atu rih ah cun Yangon ah ka umnak hmunkhar khuar lai i ka um rih lai. Idol ka hawile pawl he zong ton caan ka ngei kho. Thazaang a ka peng rihtu mipi cungah ka lawm tuk ee ka zuam chinchin lai ” tiah a chim.

Video timi rak hmeh piak.