Khah Auh Tthan Dingah Dodah Na Thim Lai? Tan Khun Kyaw maw? Yaw Kee dah? Myanmar Idol Season 4 zuamnak cu Top 4 tiang an phan cang i, minung pasarih nih Myanmar Idol an chuah tak cang. Asinain Idol nih phunglam a ngaihmi bantukin minung pasarih chungah minung pakhat cu Idol zuamnak ah a kir tthan ding asi bantukin online vote tambik pakhat kha a kir-auh tthan si lai.

Online vote pek pek nak kong he pehtlaiin atu aa zuam mi hna vote kan pekmi hna bantukin phaisa dih in pek a hau lo. A herhmi cu Facebook le Gmail hmangin pek ding asi tikah Facebook Account tam na ngaih si le na ngaih zat khan vote na pek khawh. Account pakhat nih voikhat lawng pek a ngah lai caah Account tampi ngaih a biapi ngaingai ve.

A tla cang mi hna cu Yaw Kee, Naw Say Say Htoo, Htet Inzali, Tan Khun Kyaw, Nay Lin Kyaw, Hnin Ei Ei Win le Chu Sitt Han hna hi an si. Mah minung pasarih chungah hin na duh bik mi, minung pakhat hi na vote lai. Vote pek nak cu (mmidonlinevote.com) ah pek ding.

A cunglei kan langhter cang bantukin mah minung pasarih chungah na duh bikmi pakhat na auh khawh tthan i, Top 4 zuamnak ah vote na pek tthan hrimhrim lai ti nak si lo. Top 4 zuamnak ahcun na duh mi te kha vote na pek tthan ko lai. A cunglei kan chim cang bantukin hodah auh tthan dingah na duh bikmi le ai tlak bik tiah na ruah ve? Tan Khun Kyaw maw? Yaw Kee dah?