Khah, Apple le Google nih Coronavirus Zawtnak An Dawi Lai

World News

Apple le Google nih Coronavirus Zawtnak An Dawi Lai: Apple le Google company nih Coronavirus zawtnak ngeimi hna theih khawhnak device ser dingah kap hnih hnatlaknak an ngei. IPhone le Smartphone chung i Bluetooth signals hmang in na pawng in pe 6 a hlatnak i coronavirus zawtnak a ngeimi hna kha track a tuah khawh hna lai. Biana ah tuchun ah lakphakdawr ah na thu lai i, nangmah pawng i a thumi nih coconavirus zawtnak a ngeih ahcun na cellphone i Bluetooth hmang signal a piah lai ti si. An i tinh bikmi cu zeitindah coronavirus zawtnak hi kan zorter lai ti a si.

Apple and Google partner to track coronavirus, alert smartphone ...

May thla chungah ah hin APP ser an timh i, public health authorities nih an pom piak hna ahcun hman khawh colh a si lai. President Trump nih “mah cu lunghmui ngai nain mipi tampi hna an zalonnak a hnursuan sual hna lai ka phang” tha tein kan zoh hmasa a herh lai” tiah a chim. Uk cozah nih cun na pawng i coronavirus ngeimi an um ahcun na cellphone ah theihternak a tuah colhmi APP kan tuah cang lai tiah an thanh. South Korea zongah mah bantuk cu an hman ti a si. Credit: Salai Lairamthang

Coronavirus: US Impact, China Reopens For Biz | PYMNTS.com

Relchih: US Cozah Nih “Get My Payment” APP Hman Lai: US cozah nih coronavirus ruangah mipi bawmhnak a pek dingmi phaisa cu mah tein zoh khawhnak ding le information chiah khawhnak dingah cellphone ah APP chiah khawh ding in timhtuahnak an ngei. Hmaizarh chungah APP cu download tuah khawh ding in an timh. Department of Treasury Secretary, Steve Mnuchin nih nizan ah a twitter hmang in thawng a thanh. Nan cellphone i APP ah khan “Get My Payment” timi APP nan thun piak lai i, cozah pekmi na phaisa zeitik ah a phak lai? a phak cang le phak rih lo timi, status kha chek khawh a si lai. Tax pe ko nain direct deposit tuahnak bank account a pe rih lomi hna zong nih mah ka zawn ahcun nan bank information nan thun piak lai i, cozah nih direct deposit an in tuah piak hna lai.

Kum dih Tax file tuah lio ah direct depost si loin check in mail in a kuami hna ca ahcun September thla tiang a rau kho ti a si. Cucaah nan cellphone ah khan ” Get My Payment” timi APP kha hmaizarh chungah thun ulaw, nan bank inforamtion pek chap i, nan information a tlin le tlin lo check khawh a si lai. A tling lomi um ahcun pek chap khawh a si lai.

Leave a Reply