President Trump konglam caihnak hruaitu dingah US Supreme Court Justice John Roberts cu zumhtlak biakamnak tuahter in an lak cang. John Roberts cu Senator minung pali hna nih Senate Chamber ah an vun luhpi cang. Hi aluh lio h hin biacaihnak thuam he Supreme Court biacaihnak hmun ah luhpi a si cang.

President Trump cu White House chungah um dingin aa tlak maw tlak lo timi a konglam caihkhannak dingmi hruaitu ding nih biakamnak atuah dih hnuah Chuk Glassley nih a timi cu Pathian nih thluachuah in pe ko seh tiah nawlngaihnak a pek. Nawlngaihnak apek hnu cun Trum kong khuakhan lairelnak cu amah nih a hruai cang hna lai.

Tutan ah hruaitu ding a simi John Roberts cu Conservative Judge bantukin ruah tawn asi nain amah hi mizeihmanh ttanhmi angei lomi a si tiah an ti tawn. John Roberts nih Senator vialte hna cu an orhlei kut a thlirter hna i, ahohmanh ttanhhlei ngei lo dingin biakamnak a tuahter i, an dihlak in an min zong an ttial dih tiah an langhter.

Donald Trump tthumhtthlaknak Impeachment Articles pahnih ih Senate ah kalter asi lio ah hin House Intelligence Commtt Chairman Adam Schiff ni a dihlak tein a rel dih hmasa. Adam Schiff nih a timi cu US tuanbia ah hibantukin President Impeachment Inquiry an rak dohdalnak hi a um ballomi a si. Thil sualngai tuahmi a lo ko tiah a chim.

President Trump ttuanpi hawi minung pali hna cu Demcrats hna nih Senate ah biahalnak tuah dingin halnak an tuah hna i, Simple Majority51-100 nih a ttha an ti ahcun an auh hna lai i, biahalnak an tuah hna lai. Republican Senators minung pali hna nih Democrats an dirkamh asi ahcun John Bolton le Mic Mulay han hi Senate ah biahalnak an tuah hna lai.

Hi thil hi a can a si ahcun Trum kongkau caihkhannak hi a rau pah te lai tiah an chim. Hi konghe pehtlaiin Republican a simi Senate Majority leaser Mitch McConnell nih House cu nirukni le nikhatni zongah thil umtuning cang i ruah dingin nawlnak a tuah hna. Trump kong cu nihnihni thawk in Senate ah caihkhan a si tiah a chim.

Hi konghe pehtlaiin US Congress nmih Ukraine sinah ralkap lei bawmhnak 400 milion a pek cangmi cu White House nih an phihkham chung asi ko tiah Coverment Accountability Office nih an chim. Hihi kum 2019 ah OMB timi Office of Management and Budget in alang dih. Hi nih hin congress biachahnak tuahmi kham le dohkalh asi caah phungkalh asi tiah an ti ve. Source: Chinlungpost