2020 U.S. President Thim Buainak: U.S. President cu vawilei pi uktu ding President bantuk in ruah asi. tu kum 2020 President thimnak cu buainak tamtuk aum. Nov. 3, 2020 U.S. President thimnak ni ah State (pyi nay) kip in mipi nih pek mi vote cu rian tuan tu hna nih an rel cio i mipi nih kan mah le inn cio in TV in a phi chuak cu kan hngak cio hna.

U.S. President thar a phi hi Nov. 3 zaan tim 12am hrawngah thimkum fate ti awk in a chuak ton i cu tiang cu mipi a duh mi nih hngah asi ton nain tukum cu deilei 1 am tiang hngah zongah a phi a chuak kho lo, Joe Biden nih tu lio President a tuan lio mi Donald Trump cu a tei thluahmah nain a tu tiang a phi hman a chuak rih lo.

A tu bantuk in hi vote peknak ah thil dik lo a um ti hi Wisconsin State ah mee a rel mi a congtu hna (security) nih mee reltu hna i an hrokhrol mi an hmuh hmasa hnanak in aa thawk i cu Wisconsin State i vote an rel cia mi cu a hram thok in an rel ter than hna i, cu hnu ah a dang State pa 5 hna zong hi an rel thannak asi.

U.S. i State 50 (pyi Nay) chungah hin Party pathum an um, cu hna cu Republican Party, Democratic Party le zei Party hmanh a tanh lo mi (independent) ti in a um. Hi State 50 chungah hin mah le tan mi Party cio an ngei hna i zei party hmanh tan lo in kum 4 voikhat zapi (general election) thim caan ah a zuam mi minung hawih in a kal mi State zong an um ve.

A tu kum 2020 U.S. President thimnak ah Vote an rel than mi hna State cu Georgia, Michigan, Pennsylvania, Arizona, Philadelphia, North Carolina hna hi an si. Nevada State le Philadelphia State hna ah cun a thihnak in kum 3 asi cang mi zong nih vote mi an hmuh. Pennsylvania State ah cun 19 century lio ah a rak thi cang mi minung tampi nih 2020 ah vote an pek tiah theih asi.

Tu tiangah a thi cia mi vote an hmuh mi hi 100 leng asi cang state pakhat ah. Mi thi vote lawng si lo in, State tampi ah vote ding in ca a phi lo mi (register to vote) a tuah lo mi nih an vote mi le Donald Trum ca in computer hman in vote mi vote thong 60 leng cu minute tlawmpal ah a tlau i chihkhat te ah Biden a vote an thlen dih. Cu tin in thil a tuah mi hna cu Democratic Party Joe Biden te an si.

Cu bantuk in hrokhrol in thil an tuah mi cu tampi an hmuh i vote reltu ngiatu ding in Cozah lei nih lunghrinh mi a cunglei i kan rak tial cia mi State pa 5 ah an thlah mi hna zong a chungah luhter an duh hna lo. Hi tin lih le hrokhrawlh a tam tuk caah President Trump a team (a rian tuantu) pawl nih taza cuainak an tuah cuah mah.

Hi tin tazacuainak an tuah mi hi an cuainak State in biaceihtu sitni sang bik nih an ceih hnu ah Federal ah a kal lai i cu hnu ah U.S. ram i biaceihnak zung sang bik Supreme Court ah ceih khawh asi lai. 2020 U.S. President cu Biaceih tu sitni hna nih thil sining a tha tein an zoh hlathlai hnu ah a phi an chuah te lai. Hi tin thil dik lo in thil tampi a um ko nain U.S. i thawngzamhtu an za tein ti awk in Biden nih teinak a hmu tiah an thanh i mipi tampi nih an zumh hna i Inn rang hmai ah lawmhpinak zong Biden tanh tu hna nih an tuah, cu lio ah cun Trump a tanh tu hna hi tukum i thimnak a hman lo caah a tha tein kan rel piak uh tiah duhlonak an langhter ve. U.S. President teinak hmat cu 270 Electoral vote asi.

Atu tiang cu U.S. President i thimnak cu a dih rih lo in a phi a chuak rih lo. Hi i thimnak kong he pehtlaih in thawngpang thar tete kan rak in thanh than te hna lai. Ref: FOX, NEWSMAX. & ACN News