Chinland Paih Championship: Tutan CPC nih Indianapolis khua ah paihnak a kan khan piak mi cu zoh lai ngaih a um ko. Tutan cu zohdingah kai va thawh ve hrimhrim lai. Ngaih a um bak ko. Zoh khawh i zuam cio ve tuah hna uhsih. Kan miphun caah thazaang chuah le cawisan pakhat zong a si.

Zohman: $50-VIP $40-$30-$20-High School Student Pay Per View $50. Pa thawngthawng an tling lai. Champian nih $,10000 a co lai i a sung mi zong nih $4000 a co thiam lai caah a hlawk bak. Atuahtu zong nih kan miphun thanchoternak caah thazaang an chuah mi asi tiin ka ruah. An tuahnak ding hmun Gym hall zong hi ka hmu bal mi a si i a cunglei zongin zohnak a tha ngainak hmun asi. Tuzarh CPC paih cu a ropui ko lai. Hodah ai tei lai ma zumh ve? Credit: Al Bik Lian Zathang

Relchih: Khah kan theih bantukin thaizing kiptuh ah tuah dingmi kan Laipaih cu a ropui bak ko lai hih. A ruang cu Laimi nih an mah pahnih hi a thar in i pai tthan hna seh tiah kan duh mi le zoh lai kan i ngaih taktak mi kan Laipa tthawng Rung Lian Ceu le Uk Ling Thang i paih ding hi si.

Anmah pahnih i ton tthan ding le i paih tthan ding hi Laimi nih kan duh bikmi le zoh lai kan i ngaihin i pai tthan hna seh tiah kan chim in kan au lengmang mi cu thaizing kiptuh ah a an i phom, taktak cang lai. Tutan Rung Lian Ceu le Uk Ling thang an i paihnak ah teinak a hmutu paoh nih $10000 an hmuh lai i, a sungmi paoh nih $4000 an hmuh ve lai. Mipi nih Rung Lian Ceu hi 100%80 an zumh i, Uk Ling Thang hi 10%60 an zumh ve. Khah nang hodah na zumh deuh?