Tukum US rampi president thimnak cu a buai taktak khi si. Nihin tiangah teitu ngaingai hi a fiangmi le biachahnak zong a um kho rih lo. Trump lei phu cawlcanghnak zong a vun lang pah ziamah ve, sinain zeiting dah an kalpi lai i, teinak hi an hmu kho taktak te lai maw? timi zong ruah lo awk ttha lo. Zei si hmanh ah lungsau in vun hngak cio rih ko hna usih. A hnu bik US thawngpang.

A voikhatnak US election vote thlak mi ah vote relnak Computer ah palhnak hmuh asi. Cun, voihnihnak vote relnak zongah minung palhnak hmuh asi tthan rih. November 18 ah Georgia State result aa fiang lai tiin Election Official nih a thawngthanhnak an tuah nain vote rel lomi hmun 2 ah hmuh chap asi caah aa fiang kho rih lo tiah theih a si tthan.

Georgia State ahhin Joe Biden nih Donald Trump cu vote 14,000 in a rak tei. Nain Tump lei phu nih hi vote thlaknak hi a dik lomi si caah a thar in kan zohpiak tthan u, tiin nawlnak an tuah bantukin a voihnihnak vote rel tthan lio asi caah aa fian khawh rih lonak a si. A voikhatnak vote relnak ah Computer nih vote 2,500 scan a rak tuah lo tiin US Official nih an chim. A voihnihnak vote rel lio ah vote rak rel lomi 3,039 bak hmuh chap asi,”tiah theih a si rih.

Geogia hin Trump nih teinak hmu sehlaw president sinak dingah lam um maw? Donald Trump nih Geogia ah teinak a hmuh ahcun Electoral vote 248 a hmuh lai. Asinain President a tling kho fawn lo. Mah belte Michigan State ah teinak a hmuh rih a hau. A cunglei kan chim bangin vote 2,500 hi scan an tuah lomi i, computer palh asi i, vote relmi hi minung palhnak asi! Ref: FoxNews, Reuters

Relchih: Salai Ceu Bik Thawng: NLD tuahsernak hi upadi ning in kan dawi lai! Kawlram chung thim nak zong cu a vun dih, mipi nih kan i zumh ngai mi miphun party nih tei nak a hmu lai tiah kan ruah len cio si nain ruah lo pin tei nak an vun hmuh lo tik ah mi cheu cu an tha a chia ngai cio, tutan ah Cm Page nih Kan lai pasal tha Salai Ceu Bik Thawng cu interview an tuah i a leh mi hna hi vun zoh ve tuah.

Salai Ceu Bik Thawng nih a tanglei banghin a chim: Thimnak a dik lo in ka hmuh, upadi ning in kan kal lai. Tulio CNLD bahu GS a simi Salai Ceu Bik Thawng nih “tukum Kawlram thimnak hi a zalong mi thimnak a si ko nain a dik lomi thimnak a si caah upadi ning in kan kal a hau te lai” tiah CMpage he biaruahnak ah a chim.Biahaltu nih tukum Kawlram thimnak hi USDP le party dang tete nih a dik lomi an timi pah caang nang nih zeitindah na hmuh ning le ruah ning a si tiah a hal.

A hal lio an Salai Ceu Bik Thawng nih tu bantuk in a chim hi a si.Salai Ceu Bik Thawng nihcun” tukum thimnak ahhin tangka i peknak tete zong a um ti kan theih. Khuate tiang in hlathlainak kan tuah cuahmah hi upadi ning in kan i ti a herh te ko lai” tiah tuzan November 18,2020 CMpage he biaruahnak ah a chim. Kum 2020 Kawlram thimnak cu a bik in USDP nih a dik lo an ti caah Neypydaw ahcun USDP party le UDP party minung thong reng lo nih duhlonak zong an langhter.