Khah: A Bikin Hakha -Thantlang Peng Ko Nih Zulh Le Hrial Khawh I Zuam Ko Hna Usih. Nunnak Pakhat Lawng Kan Ngei Hih

Chin News

Kan theih bantukin nihin zongah Hakha khua leng Timit, Lungkhar lei ah Chin ralkap le SAC ralkap kahdohnak a chuak. Meithal thawng le Bomb thawng pehtlai in a thang. Hakha um Nawi nel lei kap ummi pakhat nih, “Nihin August 1 zanlei sml 4:00 hrawng in meithal thawng le bomb thawng cu pehtlai in a thang. Zanlei sml 5:00 tiang ah pehtlai in a thang rih ko. Meithal thawng cu voi za leng a si lai. Bomb thawng zong ngol hngal loin a thang ti cu zapi nih theih dih a si.

Niizan Timit Hlei Chahmi Kongah + Video -

Hi kongah Vanmualthar khuami pakhat zong nih “Meithal thawng le bomb thawng cu kan khua in a thang tuk,” tiah The Chin Post ah a chim. Hakha ummi pakhat nih “Bomb an kah paoh ah mei nganpi a ceu i a khu tam ngai a chuak,” tiah a chim. Timit hlei donh ding ah a kalmi SAC ralkap pawl cu Chin ralkap nih a luancia July 30 khan an kah hna caah ralkap a thimi le hliam tuar mi an tam, cang.

Cucaah a bikin Thantlang peng le Hakha um mi hrim cu a si khawh chungin kan i ralrin i, Thantlang le Hakha karlak kal hrimhrim hi cu hrial khawh zuam ko rih hna usih. Caan saupi zong a rau kho. Kan thinlung ah hnangamnak a um lo pinah kan nunnak ca hrim ah a him kho hrimhrim lo. Timit thluan le lungkhar lei kap ah a hohmanh kal rih loi i zuam cio hna usih.

Thawngpang dang: Mandalay Ah SAC Nih Mipi Ralkap Min Putter In Hriamtlai Phu An Ser. Hriam An Tlaihter Hna! Mandalay khuachung ah a luancia ni tlawmpal ahkhan SAC ralkap nih anmah lei ṭanhtu micheukhat cu hriam tlaihter in mizapi venghimtu phu min an putter hna, tiah theih a si.

SAC ralkap nih thawngthanhnak an tuah ning ah Maharaungmay peng GAD zung ah biaruahnak tuah in hriam an tlaihter hna i, Seinpan sang mizapi runvennak rian ṭuan ding in meithal tawi 10 le kuan 70 cio an pek hna tiah an thanh. Sagaing ramṭhen le Magwe ramṭhen ah SAC ralkap nih pyi-tuh-sit phu dirh in Mandalay khuachung le hmun dangdang tiang cawlcanghnak an tuah, tiah theih a si. Credit: The Chin Post

Leave a Reply