Khah! Ṭha Tein Rak Zoh Hakha Siizung I Hibantuk Tiangtiang An Tuahmi Cu An Ti Deuh Ko Rua

Hakha sizung nih mizaw zulhphung n tuah mi cu a zualhma nagingai ko riah ka ruah. Sizung hi biatak tein zohkhanh ding le kilven ding hi cu abiapi taktak mi asi. Sihmanhsehlaw hmun tthenkhat ram ttha deuh ahhin cun sizung a zohkhanhtu dingmi hna hi an hlan tawn hna.

Cu an hlanmi hna nih cun ttha tein an zohkhanh i, thianghlim tein an tuah hna. Cun sizung nih zulhphung hi an tuah cio hna. Hmun dang ka dang sizung ah hin cun mizaw damlo zokhanhtu hna caah zulhphung an tuah mi a tam lem lo. Zulhphung an tuahmi hmanh ah dantat ti bantuk hi cu a um tuk lem lo ti sihlaw kan palh tuk lem lai lo.

Tutan Chinram Hakha khualipi sizung nih damlo azohkhanhtu hna caah zulhphung an tuahmi cu phundang ngaingai asi ko. Hi tluk tiangtiangcu an tuah ding cu asi lo nain, zulhphung zeimaw zat an tuahmi chungah a tthami tampi zulh ding mi a um. Asinain zulh dingah santlailo mi tampi a um ve.

Hakha sizung pi nih mizaw ihnak khan or mizaw damlo umnak room vampang ah zulhphung an tuah mi cu a tanglei bantukin an si hna, Thatein pakhat hnu pakhat in von zohcio ulaw zeitindah nan ruahning cio asi. A tanglei vun langhter mi hna hi an si hna.

Pakhatnak: Mizaw pakhat ah hngaktu pakhat lawng nih hngah ding. Pahnihnak: Mizaw ihkhun pawngah zeihmanh eidin hmanh ei lo ding. Pathumnak: Mizaw canwg ihkhun cung thut lo ding. Na thut kan in hmuh ahcun Ks-500 liam si lai. Palinak: Phone, Electric he aa pehtlaimi tun lo ding, na tun kan in hmuh ahcun Ks-10000 liam si lai.

Panganak: Sibawi nih mizaw zoh caah ah (Round) tikah mah le ihnak pawngkam hmunthur a um (thianh lo cun) mi kan hmuh ahcun Ks-5000 liam si lai. Paruknak: Zunput chung ah hnawm (tbk, caku, tissue, nu hmanmi thil) zun, ek titoih loin na kaltak kan in hmuh ahcun mizaw dihak donh in Ks-1000 liam si lai. Pasarihnak: Na phone mei tha thun charge hlah, na tun kan in hmuh asi ahcun Ks 10000 na liam lai. Thlalang-awng hong hlah, thlalang-awng na hon kan in hmuh asi ahcun Ks 5000 liam si lai.

Hi vialte hi Hakha sizung mizaw umnak vampang ah zulhphung an tuah mi asi. Acung langhter cang bangin Hakha sizung zulhphung tuah mi ah a ttha mi tampi cu a um ko nain a ttha lomi zong a um. Vun zoh ulaw zeitindah nan ruah cio? Nan ruahnak comment khawh si. Chinlungpost