Keimah Ruangah Ralkap Nih Hnahnawhnak An In Peeknak Hna Cun Chungkhar Ah Ka Min Cazin Phiat Ko uh: Tubantuk in kan Chinram chung bakah duhtawk in ralkap nih cawlcanghnak an ngeih tthan mi hmuh le heih ahcun tleicia,Mj.Uk Lian Thang le Mejor.That Ci kha a thar in ruah lo awk an tha hrimhrim lo.

Mj.That Ci kha miphun le ram caah tiin CNA ah a rak luut i,mah lio ah khan an khua,Hriangkhan ah a rak tlung i,a chungkhar hna cu,khah kei hi ram caah nunnak peek in ka kal cang caah hnulei ah a kir tthan ko ding ka si ti lo,milem bia hna nih kan ram chungah an biaknak zalong tein an tuah ding le milem biaknak an karhter ding,cupinah,Chin mi nih zalonnak ngei kho lo in kan um peng mi ka ruah ah hin,Bawipa bochan in kir than kho ka si lo.

Cucaah ralkap nih keimah ruangah hnahnawhnak an in peeknak hna cun,keimah tu khan chungkhar min cazin khan ka phiat ko u,tiah a unau le a nu cu a rak ti hna.Mah lio ah a chim than mi cu,sunghno ka nu tontthan ding cun ka chim kho lo,ka rak kir tthan lo a si le kum khua tthen ding cun rak hngal cia law,sunghno ka nu,ka nu aw mangtha, tiah a mah te nih a nu sinah a rak chim i,a zan lila in ram rian pehzulh ah a rak kal.Mj.That Ci kha a hawitha.

Uk Lian Thang he khan an tlaih hna i an hruai hna,Vanzang khua hin zam khawhtuk ding a rak si,sihmanhselaw a hawitha,Uk Lian Thang kha a chungin a thlet,a damlo i,a hawipa zaamtak i a mah luat kha a duh hrimhrim lo,Uk Lian Thang zong nih zam dingin vawitampi a fial,asinain, thih ah thih tti tiah minthutnak he ram rian a ttuan mi an si caah a zamtaak duhlo i an pahnih in zeitin an thah hna tihmanh a tutiang theih a si lo.

Rev. Dr. David Van Bik nih khan CCOC a ttuan lioah a thi mi,Ngai Za Siam ruak cu Hakha lei ah rak phurh a si i, Ngai Za Siam ruak cung ahcun tihin a rak chim.”Ngai Za Siam, nang na hmai ahcun David Van Bik hi ka hme tuk e,a rak ti. Asullam cu Pathian rian a ttuannak ah a nunnak a liam,a nih cu Pathian rian ka ttuan a ti ko nain a nun rih mi kha a ruah tikah,a hme tuk ah aichiah khi a si.

Mj.That Ci le Mj. Uk Lian Thang le Chin miphun tampi ram caah a nunnak a pe mi hna nan nih cu nan van a tha, thih hnawh chan nan ngei, nan min chim a dai ti lai lo,nan rak ttuan hnawh mi Chinland cu khua a dei deng cang,a tu kan buai lio caan hi nan rauthla tal in kan cuan tuah ulaw cung zingnu kan biak ,Pathian sinah nan miphun kan tuarnak hi vung chim in kan Chinland le a chung um Chin mi cu zalonnak kan pe dingin mu!A tang hi,that Ci nih a nu sin i a va kal lioah a rak chim mi a si i mah cu hla in an tuah i an sak mi a si. Credit: Tin Duh Thang. hHI KA AH VIDEO NGAIH CHIH KHAWH A SI.