Keimah Ka Caah Hlawhtling Bik Si Dingin Mah Hla Hi Keimah Nih Ka Thimmi A Si: Benjamin Sum:

Chin News

Keimah Ka Caah Hlawhtling Bik Si Dingin Mah Hla Hi Keimah Nih Ka Thimmi A Si. Benjamin Sum: Keimah pumpak thazaang arak ka pe mi nan dih lak cungah keimah pumpak in lunglawmhnak bia ka rak in chim kho hna lo. Lam hlatpi ah um mi vialte keimah vote arak ka pek kho rih lo mi zong nih pumpak thlacamnak in nan rak ka bawmh cio caah nan dih lak cungah lunglawmhnak chim cawk lo ka ngei.

Nan dih lak pumpak, nan thlacampiaknak le nan lungthin chungah nan rak ka chiah zungzalnak lai hi ka hmun in sawm kan duh rih ko hna’tiah Benjamin Sum nih a fans hna sin le mipi hna sinah sawmnak le lunglawmhnak a van langhter cang. Tutan Ben Ben nih a fans pawl sinah sawmnak le lunglawmhnak bia arak langhter mi cu uar um kho tuk ko.

Image may contain: 10 people, people smiling, people standing

Kan laimi chungah Ben Ben bantuk in kum no te nih hi bantuk International Myanmar Level in hlasak zuamnak top dirhmun tiang arak kan dirpiak peng mi hi lunglawmh awk tak tak a si ko. Kan Chin mi dih lak zong nih Pathian sinah thlacamnak he hi hnu a tang rih mi zuamnak ah teinak a hmu tthan khawhnak ding caah thlacam bawm zungzal hram ko usih.

Image may contain: 1 person, smiling, standing

Benjamin Sum vote pek duh mi vialte nih 77702 ah sms in vote pek khawh peng a si. Cun, Myanmar Idol sesson 4 offical facebook page zongah vote le a hlasak mi view in thazaang pe peng rih ko hna usih. Tutan a catial mi hi rock week lio ah sawmnak arak ttial cang mi a si ko nain ara lai mi zuamnak ca tiangah repost arak tuah tthan caah mipi sinah kan vun tarpiak tthannak hi a si.

Leave a Reply