KCA, NGO, Pastor le kawl ralkap an ichawnhbiakning phuan dih a si

Myanmar News

April 7 ah ralkap nih Kalay mipi runvengtu KCA sakhan cu bomb le meithal (hriamnam) hmangin an kah hna. Hi hlanah ralkap, Pastor, NGO le KCA hruaitu pawl ralkap he biaruahnak an rak ngei hna. Cu an biaruahnak cu a tanglei kan von langhtermi hi a si.

KCA nih palik minung 4 an tlaih hna hnuah Kalay i NGO phu le ralkap lei cu ichawnhbiaknak an ngei i Tahan lei NGO pehtlaih dingin palai an thlah. NGO pahnih a pehtlaih hnuah KCA hruaitu pawl cu thil sining chimh an si. Cuticun ralkap pawl nih KCA tlaihmi palik pawl le ralkap nih tlaihmi minung hna cu ithlennawn dingin ichimhchawnhnnak an ngei. Cucu an cohlan lo ahcun bomb tiang hmangin KCA sakhan an kah lainak kong a tel chih.

NGO lei nih KCA hruaitu pawl hramhram in zeihmanh a tuah hlei lo ah, a forh chih lo i anmah duhthimnak ah an chiah. Ralkap lei thil sining an zoh hnuah KCA hruaitu pawl cu ralkap he ichawnhbia dingin hnatlaknak an ngei. Asinain, Kalay khuachung si loin Tahan khuachung Biakinn pakhatkhat ah ichawnhbiahnak ngeih dingin hnatlaknak an ngei. Cu ah cun KCA hruaitu cheukhat, Pastor cheukhat le Tahan i bochanmi cheukhat hleiah NGO hna zong an i tel.

Zarhpini chun ah ralkap, Pastor, upa cheukgat, KCA hruaitu le NGO pawl cu an i tong kho. An ichawnhbiakning ahcun tlaihmi minung i thlennawn dingin hnatlaknak an ngei i KCA leo nih an tlaihmi hna minung dang thlah thlah chih dingin le duhlonak langhter in lam a zawhmi mipi hna cu hnahnawhnak an pek tinak hna hnga lo nawlnak an tuah hna. Cuticun i chawnhbiaknak an ngei hnuah ralkap lei nih an tlaihmi minung 9 an chuah hna i KCA lei nih palik an tlaihmi hna minung 7 an thlah ve hna. Ralkap lei Biaceih zung (Court) ah tazacuai cangmi hna zong chuak kho dingin kan buaipi hna lai tiah biakamnak an ngeih taak hna.

Nikhatni zingah ralkap nih mipi an tlaihmi minung 1 an thlah tthan i mipi zong tluang tein duhlonak langhternak lamzawhnak an ngei kho ko. Asinain, KCA lei nih tlaihmi minung 23 thlah dingin an halmi hna cu ralkap lei nih minung 10 lawng an thlah hna tikah Khua lai i umhmun an khuarnak cu Motor le cycle kal kho dingin an tuah cang nain, KBZ II bank hmaiah umhmun an khuar tthan. Cu tikah ralkap lei nih palai an va thlah i lampi phit lo dingin theihternak an tuah hna.

Cuticun bantuk te cun KCA lei zong nih lamzawhnak cu zalong tein kan zawh ter u tiah nawlnak an tuah ve. Cucu an kan sianh le an onh a si ahcun lampi zong kham lo dingin an ti ve hna. Asinain, ralkap lei nih lamzawhnak kongah cun hnatlaknak kan ngei kho lai lo tiah phone in an chawnh hna. Cuticun, April ni 7 zingah ralkap leo Bomb le meithla thazaang hmangin KCA sakhan an kah tiah theih a si.

Tlaihmi veve thlah dingin i thlennawnnak an ngei hlanah KCA ah minung 500 renglo an um nain, tlaihmi minung i thlennawnnak an ngeih cun minung tampi nih KCA sakhan an chuak taak i ralkap nih KCA sakhan an kah lioah hin minung 100 hrawnghrang lawmh an um tiah minung pakhat nih a chim  KCA chung zongah phu hme tete a um i hruaitu lubik tibantuk um lem loin zapi hnatlaknak in an i hruai hna.

KCA le ralkap doawknak ah KCA lam 9 le mipi menmen 3 ,an zaten 12 an thi ih mi 35 in hriam an tuar tlunah mipi KCA lam 18 le an ralthuam pawl cu ralkap in an kai. Ralkap in Myanmar ram thuneihnak an lak hnuah Kalay sung le kiangkap lawngin ralkap cun mipi 28 lenglo an kap that zo tiah theih a si.

KCA le ralkap i kahdohnak ah KCA lei minung 9 le ramchung mipi minung 3, an dihlakim minung 12 an thi i minung 35 nih hliam an tuar hleiah KCA lei minung 18 hna cu an ralthuam he an tlaih hna. Ralkap nih nawlngeihnak a laak hnuah Kalay chung le kiangkap lawng hmanh ah minung 27 renglo an kahthah cang hna tiah theih a si.  Chirhchan:Vapualauaw

Biakilh: Na hawi le sinah share khawh kan zuam piak te!

Leave a Reply