Kawlram Mi Minung 7 Nih China Pa An Thah Palik Nih An Kawl Cuahmah Hna

August ni 29 ah Thailand ram Ramkahan sang 29 st. ah China in dawr a rak ongtu (tuahtu) China miphun Sukuah mala kum 51 cu amah dawrah Kawlram mi minung 7 nih an thah tiah theih asi. Kawlram mi a thattu hna hi nu 3 le pa 4 an si tiah theih asi.

August ni 29 ah Kawlram mi hna cu dawrah kal in buainak an tuah i, dawr ngeitu Sukuah nih dai tein um dingin aa chim hna i, kawlram mi minung 7 nih cun palang le nam hmangin an thah tiah theih asi.

Cuti China pa an thah hnuah Texi in an zam i, August 30 ah palik nih an konglam cu theih in an kawl hna i, minung 3 an tlaih khawh hna. Minung 4 tu cu kawl cuahmah an si. China hi Thailand ram ah dawr tuah dingin a rak tlung i, atu bantukin Kawlram mi kut in a thihnak hi asi. Chinfure