Kawlram mi 1200 Kawlram ah kuat a timh mi Malaysia cozah cu tazacuai an si cang. Taza an cuai nak a ruang cu mah tiin kaut an i timh mi chung ah kumtling rih lo hngakchia an i tel i UN aa tlaih mi minung paruk an i tel ve.

Dih ah cozah nih Ralzaam pawl kan kua hna lai lo an ti ko naa tein Chin mi UN nih interveiw a tuah rih lo mi hna zong an nih tel ve. Mah hna ruang ah taza an cuai nak a ruang si . Mah hlei ah thonginn phan hnu ah a hrut mi Chin mi pakhat zong a um rih. Mah case zong hi taza cuai nak ah chap chih khawh Kan i zuam rih lai. Source: James Bawi Thang Bik

Thawngpang thar rel chih:Rev. NC Thawng Tha Thang hruainak in MCYA mino 5000 renglo nih Ralkap uknak duhlo lamzawh.Yangon khualipi ah Rev. NC Thawng Tha Thang hruainak in Myanmar Christian Youth Alliance (MCYA) mino 5000 renglo nih 22-2-2021 ah Ralkap uknak duhlo langhter in lam an zawh, tiah kan theih.

“Atu MCYA hi keimah nih ka hruai hna lio a si. Myanmar ramchung um Khrihfabu kip aa fonh mi Mino Bu pakhat a si. Nihin hi Myanmar Plazza in US Embassy tiang lam kan zawh lai ka ti nain, US ralkap nih an phiat ruang ah Singapore Embassy lei tu ah kan kal. US Embassy zong lam an hon bak in kan pehzulh than lai. Ca kan chiah mi zong leh ding in bia an kan tiam cang,” tiah Rev. NC Thawng Tha Thang nih The Hakha Times ah a chim.

A peh rih mi cu, “Pathian cu dinfelnak a tanh mi a si. Min Aung Hlaing nih nawlngeihnak a fir in a fir mi le dinlonak in a tuah mi thil cu mizapi nih kan hmuh ko ca ah kan doh ngam cio awk a si. Bible chung zong ah CDM a tuah mi tampi kan hmuh ko hna. Amah belte, Cozah riantuantu ca ahcun challenge a kan tuahtu taktak a si lai i an ca ah a har ngaingai ko lai. Asinain, anmah Cozah riantuantu hna hi kan bochan bik mi an si ko i mizapi zong nih dirpi peng hna usih,” ti zong a chim fawn.’

Tutan Ralkap nih nawlngeihnak a laak a voi 3nak, Myanmar ramchung ah Khrihfa Biaknaklei upa hna, mino hna, Kawl biaknak, siseh, biaknak dangdang, Ramkheel party le Ramriantuan (politicians) hna lawng si loin, a bik in Cozah riantuantu le rammi mizapi nih lungrual taktak in CDM cawlcanghnak ah an luut hna. Source: Tha Hakha Times